مۇعالىمدەر مەن دارىگەرلەر دەكلاراتسيا تاپسىرادى
2022 جىلى جالپىعا بىردەي دەكلاراتسيالاۋ اياسىندا العاش رەت 576 872 مەملەكەتتىك قىزمەتشىلەر، ولارعا تەڭەستىرىلگەن تۇلعالار جانە ولاردىڭ جۇبايلارى كىرىستەرى مەن مۇلكى تۋرالى دەكلاراتسيانى تاپسىردى، دەپ دەپ جاۋاپ بەردى قارجى مينيسترلىگى مەملەكەتتىك كىرىستەر كوميتەتى Halyq Uni رەداكتسياسىنىىڭ رەسمي ساۋالىنا.
2023 جىلدىڭ 16 قاڭتارىنداعى مالىمەت بويىنشا جالپىعا بىردەي دەكلاراتسيالاۋ اياسىندا 29 000 تۇلعا جەكە تۇلعا كىرىستەرى مەن مۇلكى تۋرالى دەكلاراتسيانى تاپسىرماعان. ولارعا قر «اكىمشىلىك قۇقىق بۇزۋشىلىق تۋرالى» كودەكسىنە ساي، سالىق ورگاندارى ولارعا ءبىرىنشى رەت ەسكەرتۋمەن شەكتەلدى.
ەگەر ەسكەرتۋ جاسالعاننان كەيىن جەكە تۇلعا تاراپىنان ءبىر جىل ىشىندە قايتالاپ بۇزۋشىلىق ورىن العان جاعدايدا 15 اەك مولشەرىندە ايىپپۇل سالىنادى، – دەيدى كوميتەت.
دەكلاراتسيانى كىمدەر قاشان تاپسىرادى؟
- 2021 جىلدىڭ 1 قاڭتارىنان باستاپ – مەملەكەتتىك قىزمەتكەرلەر، ولاردىڭ جۇبايلارى مەن ولارعا تەڭەستىرىلگەن ازاماتتار تاپسىردى;
- 2023 جىلدىڭ 1 قاڭتارىنان باستاپ – مەملەكەتتىك كاسىپورىن قىزمەتكەرلەرى ء(بىلىم بەرۋ، دەنساۋلىق ساقتاۋ، مادەنيەت جانە سپورت سالالارىن قوسقاندا) جانە ولاردىڭ جۇبايلارى تاپسىرادى;
- 2024 جىلدىڭ 1 قاڭتارىنان باستاپ – زاڭدى تۇلعا جەتەكشىلەرى مەن قۇرىلتايشىلارى مەن ولاردىڭ جۇبايلارى جانە جەكە كاسىپكەرلەر مەن ولاردىڭ جۇبايلارى تاپسىرادى;
- 2025 جىلدىڭ 1 قاڭتارىنان باستاپ – قالعان بارلىق ازاماتتار تاپسىرادى;
- 2027 جىلدىڭ 1 قاڭتارىنان باستاپ – بارلىق دەكلاراتسيا جيناقتالعاننان كەيىن «زاڭسىز بايىعاندارعا» جاۋاپكەرشىلىك ەنگىزىلەدى.
دەكلاراتسيا تاپسىرعاندا تابىس پەن مۇلىكتىڭ زاڭدى جولمەن كەلگەنىن دالەلدەۋ كەرەك پە؟
كوميتەتتىڭ مالىمەتىنشە، جەكە تۇلعانىڭ اكتيۆتەرى مەن مىندەتتەمەلەرى تۋرالى دەكلاراتسيانى تاپسىرۋ جونىندەگى مىندەتتەمە پايدا بولعان جىلدان كەيىنگى ءبىرىنشى ەسەپتى كەزەڭ ءۇشىن ۇسىنىلعان جەكە تۇلعانىڭ تابىسى مەن مۇلكى تۋرالى دەكلاراتسيالار تەكسەرىلمەيدى.
مەملەكەتتىك قىزمەتكەرلەردىڭ شەتەلدە ەسەپشوتتارى مەن ۇيلەرى بار
2021 جىلعى 31 جەلتوقسانداعى جاعداي بويىنشا:
- 354 جەكە تۇلعانىڭ 59 ەلدىڭ شەتەلدىك بانكتەرىندە جالپى سوماسى 529 ملرد تەڭگەگە بانكتىك شوتتارى بار. شەتەلدىك بانكتەردەگى ەڭ كوپ سوما بىرىككەن اراب امىرلىگى، سينگاپۋر جانە شۆەيتسارياعا تيەسىلى;
- 377 جەكە تۇلعا قازاقستان رەسپۋبليكاسىنان تىسقارى جەرلەردەگى 25 ەلدە تىركەلگەن 466 جىلجىمايتىن مۇلىكتى جاريالادى. ەلدەر كونتەكستىندە ەڭ كوپ سان رەسەي فەدەراتسياسىنا، اقش-قا، بىرىككەن اراب امىرلىكتەرىنە جانە تۇركياعا كەلەدى;
- 124 جەكە تۇلعا 24 ەلدە تىركەلگەن باعالى قاعازدارى تۋرالى اقپارات بەردى. ەڭ كوپ سانى اقش، رەسەي فەدەراتسياسى، ۇلىبريتانيادا.
2023 جىلدان باستاپ كىمدەر دەكلاراتسيا تاپسىرۋى كەرەك؟
قازىرگى ۋاقىتتا كوميتەتپەن مەملەكەتتىك قىزمەتكەرلەردىڭ الدىن الا تىزىمىنە سايكەس ەكىنشى كەزەڭدەگى جەكە تۇلعانىڭ كىرىستەرى مەن مۇلكى تۋرالى دەكلاراتسيانى (270 نىسان) تاپسىراتىن مەكەمەلەر، كۆازيمەملەكەتتىك سەكتور سۋبەكتىلەرى جانە ولاردىڭ جۇبايلارىنىڭ سانى 1,4 ملن قىزمەتكەردى (13 950 ۇيىم قىزمەتكەرى) قۇرايدى.
Abai.kz
