ريددەر قالاسىنداعى جىلۋ ەلەكتر ورتالىعىنىڭ يەسى اۋىستى. بۇل تۋرالى شىعىس قازاقستان وبلىسىنىڭ اكىمى دانيال احمەتوۆ ايتتى.

بىراق اكىم جەو-نىڭ جاڭا يەسى كىم ەكەنىن اتامادى. ايماق باسشىسىنىڭ سوزىنشە، جاڭا ينۆەستور - قازاق، ول نىسانعا 7 ميلليارد تەڭگە قۇيۋعا مۇددەلى.

ەسكە سالساق، 26 قاڭتاردا ريددەردەگى جىلۋ ەلەكتر ورتالىعىنان ءورت شىققان بولاتىن. بىرنەشە ساعاتتىڭ ىشىندە قىزىل جالىن اۋىزدىقتالدى. كەيىننەن جىلۋ ەلەكتر ورتالىعىنىڭ باسشىلىعىنا قاتىستى تەرگەۋ جۇرگىزىلىپ جاتقانى حابارلاندى.

سونداي-اق دانيال احمەتوۆ ريددەر جىلۋ ەلەكتر ورتالىعىنداعى اقاۋلار مەن اپاتتاردان ۇيلەرى قايتا-قايتا سۋىپ كەتىپ وتىرعان تۇرعىنداردان كەشىرىم سۇراعان ەدى.

Abai.kz