الماتىدا 2-3 اقپاندا ەۋرازيالىق ۇكىمەتارالىق كەڭەستىڭ كەزەكتى وتىرىسى وتەدى. وعان قازاقستان، ارمەنيا، بەلارۋس، قىرعىزستان، رەسەي ۇكىمەتتەرىنىڭ باسشىلارى، سونداي-اق ەۋرازيالىق ەكونوميكالىق كوميسسيا القاسىنىڭ توراعاسى قاتىسادى. ءىس-شاراعا ەاەو باقىلاۋشى مەملەكەتتەردىڭ وكىلدەرى، تمد باس حاتشىسى جانە ەۋرازيالىق دامۋ بانكى مەن ەۋرازيالىق تۇراقتاندىرۋ جانە دامۋ قورىنىڭ باسشىلارى شاقىرىلدى.

"دەلەگاتسيا باسشىلارى ەۋرازيالىق ينتەگراتسيانىڭ وزەكتى ماسەلەلەرىن، سونىڭ ىشىندە ەاەو ىشكى نارىعىنىڭ جۇمىس ىستەۋىن، ونەركاسىپتىك كووپەراتسيانى قارجىلاندىرۋدى، اگروونەركاسىپتىك كەشەندى دامىتۋدى، تەحنيكالىق رەتتەۋ مەن ەنەرگەتيكا سالاسىنداعى ىنتىماقتاستىقتى تالقىلايدى. تسيفرلىق كۇن تارتىبىنە، اتاپ ايتقاندا، وداقتىڭ ينتەگراتسيالانعان اقپاراتتىق جۇيەسىن جەتىلدىرۋگە ەرەكشە نازار اۋدارىلاتىن بولادى",-دەپ حابارلادى ءباسپاسوز قىزمەتى.

ءباسپاسوز قىزمەتى دەپارتامەنتى "وداق شەڭبەرىندە جاڭا كەلىسىمدەردىڭ جوبالارىن - گازدىڭ ورتاق نارىعىن قالىپتاستىرۋ تۋرالى حالىقارالىق شارتتى جانە الكوگول نارىعىن رەتتەۋ تۋرالى كەلىسىمدى دايىنداۋعا ەرەكشە نازار اۋدارىلاتىنىن" اتاپ ءوتتى،-دەپ جازدى ينتەرفاكس.

Abai.kz