تجم-نىڭ 3 اقپانداعى مالىمەتى بويىنشا، تۇركىستان وبلىسىندا 15 ەلدى مەكەندى سۋ باسقان. ءبىر تۇرعىن ءۇي جانە وبلىستىق ماڭىزى بار جول ۋچاسكەلەرى، كوشەلەر، اۋلالار سۋ استىندا قالدى. 204 ادام ەۆاكۋاتسيالاندى. 13 مىڭ قاپ قۇم توسەلدى.

تۇركىستان وبلىسىنىڭ اكىمى دارحان ساتىبالدى توتەنشە جاعدايلار دەپارتامەنتىندە شۇعىل شتاب وتىرىسىن وتكىزىپ، قاۋىپسىزدىك شارالارىن كۇشەيتۋدى تاپسىردى.

قازىرگى ۋاقىتتا بەس ەلدى مەكەندە، اتاپ ايتقاندا بايدىبەك اۋدانىندا شايان مەن شاقپاق، ساۋران اۋدانىندا شاعا، سوزاق اۋدانىنىڭ شولاققورعان اۋىلدارىندا جانە ارىس قالاسىندا  سۋ بۇرۋ جۇمىستارى جۇرگىزىلۋدە.

جۇمىس جۇرگىزۋگە تجم، جەرگىلىكتى اتقارۋشى ورگانداردىڭ، قورعانىس مينيسترلىگىنىڭ كۇشتەرى مەن قۇرالدارىنان 430-دان استام ادام، 70-كە جۋىق تەحنيكا، 43 موتوپومپا جۇمىلدىرىلدى.

تجد كۇشىمەن كەنتاۋ قالاسىنداعى قارناق اۋىلىنىڭ، ساۋران، بايدىبەك اۋداندارىنىڭ سۋ باسقان اۋلا اۋماعىنان 204 ادام، ونىڭ ىشىندە 111 بالا ەۆاكۋاتسيالاندى، 201 ۇساق مال قاۋىپسىز جەرگە ايدالدى. حالىقتى ەۆاكۋاتسيالاۋ جانە ۋاقىتشا ورنالاستىرۋ ءۇشىن جەرگىلىكتى اتقارۋشى ورگاندار ساۋران اۋدانىندا 4 ەۆاكۋاتسيالاۋ پۋنكتىن دايىندادى.

وبلىستىق جانە رەسپۋبليكالىق جەدەل شتابتار قىزمەت كورسەتۋدە. وبلىستىق جانە رەسپۋبليكالىق جەدەل شتابتار بازاسىندا «جەدەل جەلى» تەلەفونى اشىلدى.

"قازگيدرومەت" رمك دەرەكتەرى بويىنشا 3 اقپاندا وبلىستىڭ باسىم بولىگىندە جاۋىن-شاشىن (جاڭبىر، قار), سونداي-اق تەمپەراتۋرالىق فوننىڭ جوعارىلاۋى، قاردىڭ بەلسەندى ەرۋى، ەرىگەن جانە ەڭىس اعىنىنىڭ قالىپتاسۋى، مۇز قۇبىلىستارىنىڭ السىرەۋى جانە وزەندەردەگى سۋ دەڭگەيىنىڭ كوتەرىلۋى كۇتىلەدى.

Abai.kz