كامەرۋن استاناسى ياۋندەدە YARHA Festival حالىقارالىق كينوفەستيۆالى ءوتتى، ءىس-شارا اياسىندا قازاق كينوسىنىڭ ارنايى كورسەتىلىمى ۇيىمداستىرىلدى. ۇلتتىق كينونى مەملەكەتتىك قولداۋ ورتالىعىنىڭ كومەگىمەن تۇسىرىلگەن «نارتاي» ءفيلمى فەستيۆالدىڭ نەگىزگى كونكۋرستىق باعدارلاماسىنا قاتىسىپ، ءتورت جۇلدەگە يە بولدى جانە ۇزدىك كوركەم فيلم اتاندى.

سونىمەن قاتار فەستيۆال باعدارلاماسىندا باسقا دا وتاندىق كارتينالار كورسەتىلدى.

«مەن ءسىزدىڭ ەلدە تۇسىرىلگەن كوركەم ءفيلمىن العاش رەت كورىپ وتىرمىن، بۇعان دەيىن تەك دەرەكتى فيلمدەردى تاماشالاعان ەدىم. كينو مامانى باسقا ەلدەن كەلگەن كاسىپقويدىڭ جۇمىسىن كورگەندە، ەڭ الدىمەن كينو ءتىلىن تۇسىنۋگە تىرىسادى. بۇل فيلمدە ول ەرەكشە، كەرەمەت. بۇل فيلمدەردى كورگەندە كينو تىلىندە جەتكىزىلگەن بەلگىلى ءبىر وقيعاعا تاپ بولامىز جانە مەنى باۋراعان ءدال سول سەزىم»، - دەيدى شارا قوناقتارىنىڭ ءبىرى، رەجيسسەر، كانن كينوفەستيۆالىنىڭ قاتىسۋشىسى مۋسسا تۋرە.

Abai.kz