رەسەي مەن يران تاتارستاندا درون شىعاراتىن زاۋىت سالۋدى جوسپارلاپ وتىر، دەپ جازدى Ulys.media.

ەلابۋگادا الداعى جىلدارى 6 مىڭ دانادان استام درون شىعاراتىن زاۋىت سالۋ جوسپارلانىپ وتىر

WSJ رەسەي مەن يران ۋكرايناداعى سوعىس قيمىلدارى ءۇشىن بىرلەسكەن دروندار ءوندىرىسىن قۇرۋعا كەلىسكەنىن جازدى. مەملەكەتتەر جاڭا قوزعالتقىشى بار جەتىلدىرىلگەن Shahed-136 ۇشقىشسىز مودەلىن جاساۋعا نيەتتى.

گازەتتىڭ حابارلاۋىنشا، 5 قاڭتاردا يران دەلەگاتسياسى بىرلەسكەن جوبانىڭ ەگجەي-تەگجەيىن تالقىلاۋ ءۇشىن زاۋىت سالۋ جوسپارلانعان تاتارستاننىڭ ەلابۋگا قالاسىنا بارعان. دەلەگاتسيانى بريگادالىق گەنەرال ابدوللا مەحرابي، يسلام رەۆوليۋتسياسى ساقشىلار كورپۋسىنىڭ اەروعارىشتىق كۇشتەردى زەرتتەۋ ۇيىمىنىڭ (كسير) باسشىسى جانە يراندىق Quds Aviation Industry كومپانياسىنىڭ اتقارۋشى ديرەكتورى گاسەم داماۆانديان باسقاردى. WSJ-ءدىڭ جازۋىنشا، Quds Aviation Industry – ۆاشينگتوننىڭ پىكىرى بويىنشا يرانداعى دروندار وندىرىسىندە باستى ءرول اتقاراتىن "نەگىزگى قورعانىس ءوندىرۋشىسى".

Abai.kz