مەملەكەت باسشىسى قاسىم-جومارت توقاەۆ تۇركيانىڭ وڭتۇستىك-شىعىسىندا كوپتەگەن ادام شىعىنىنا اكەپ سوقتىرعان جەر سىلكىنىسىنە بايلانىستى وسى ەلدىڭ پرەزيدەنتى رەجەپ تايپ ەردوعانعا كوڭىل ايتۋ جەدەلحاتىن جولدادى، دەپ حابارلايدى اقوردا.

«تۇركيا رەسپۋبليكاسىندا بولعان اسا كۇشتى جەر سىلكىنىسى سالدارىنان كوپتەگەن ادامنىڭ قازا تاپقانى تۋرالى سۋىت حاباردى زور كۇيزەلىسپەن قابىلدادىم. وسىنداي قيىن ساتتە جاقىندارىنان ايىرىلعان وتباسىلارعا، سونداي-اق بۇكىل تۇرىك اعايىندارىمىزدىڭ اۋىر قايعىلارىنا ورتاقتاسىپ، قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن»، – دەپ جازىلعان جەدەلحاتتا.

سونىمەن قاتار پرەزيدەنت قازاقستاننىڭ تۇركياعا ءتيىستى كومەك كورسەتۋگە دايىن ەكەنىن جەتكىزدى.

بۇعان دەيىن حابارلانعانداي،تۇركيانىڭ وڭتۇستىك-شىعىسىندا 7,4 ماگنيتۋداسىنا دەيىن ءۇش رەت جەر سىلكىندى. 7,4 بالدىق ەڭ قۋاتتى جەراستى ءدۇمپۋى كاحرامانماراش پروۆينتسياسىنداعى پازاردجيك اۋدانىندا جەرگىلىكتى ۋاقىت بويىنشا 04:17-دە، 7 كم تەرەڭدىكتە بولدى. سودان كەيىن ءارتۇرلى ايماقتاردا - ادانا، انكارا، انتاليا، گازيانتەپ، كايسەري، مەرسين، ترابزون، ۋرفادا جارتى ساعات بويى جەر سىلكىنگەن.

سوڭعى اقپاراتقا سايكەس، قازا تاپقاندار سانى 76-عا جەتكەن. 440 ادام جاراقات الىپ، 140 عيمارات قيراعان.

Abai.kz