اۋىل شارۋاشىلىعى ءمينيسترى ەربول قاراشوكەەۆ ەلىمىزدەگى پياز تاپشىلىعى مەن باعاسىنا قاتىستى پىكىر ءبىلدىردى.

«ءيا، ماگنۋم، سمولل جەلىلەرىندە پيازدىڭ باعاسى 340 – 400 تەڭگە. بۇل پياز اينالاسىنداعى سوڭعى ۋاقىتتاعى اجيوتاجعا بايلانىستى. پياز نارىعىنداعى جاعدايدى باقىلاپ وتىرمىز. وتكەن جىلى ەلىمىزگە 1,5 ميلليون توننا پياز اكەلىندى. ونىڭ 1 ميلليون 100 مىڭى جامبىل وبلىسىنا جەتكىزىلدى. كەيىن پياز ەكسپورتتاۋشى پاكىستانداعى تابيعي قۇبىلىستاردىڭ سالدارىنان (سۋ تاسقىنى، اۋا رايىنىڭ اياق استىنان سۋىتۋى) پياز جەتكىزۋ كولەمى ازايدى. سونىمەن قاتار كورشىمىز وزبەكستاندا پيازعا سۇرانىس ارتتى. وسى جاعدايلاردى ەسكەرە وتىرىپ، ءبىز پياز ەكسپورتىنا ۋاقىتشا شەكتەۋ قويدىق»، - دەدى ەربول قاراشوكەەۆ ۇكىمەت ۇيىندە وتكەن بريفينگ بارىسىندا.

ونىڭ ايتۋىنشا، پياز باعاسى باقىلاۋدا.

«بۇگىندە جامبىل وبلىسىندا 100 مىڭ توننا پياز قورى بار. بۇل كەلەسى ەگىس ماۋسىمىنا دەيىن جەتكىلىكتى. قازىر كوتەرمە باعا 150 تەڭگەدەن 230 تەڭگە اراسىندا اۋىتقۋدا. بۇل قۇبىلىس لوگيستيكامەن بايلانىستى. جاقىن ارادا ماسەلە رەتتەلەدى. ەلىمىزدە پياز بار. ستاتيستيكاعا سۇيەنسەك، اقپاننىڭ باسىندا، استانادا پيازدىڭ كەلىسى 190 - 210 تەڭگە بولدى»، - دەيدى ول.

Abai.kz