قىزدار ۋنيۆەرسيتەتى – ەلىمىزدىڭ جوعارى وقۋ ورىندارى اراسىندا وزىندىك دارا ورنى بار ءبىلىم وردالارىنىڭ ءبىرى.

ىرگەلى ءبىلىم ورداسى وسىدان 79 جىل بۇرىن، ياعني 1944 جىلعى 15 تامىزدا قازسسر حالىق كوميسسارلار كەڭەسىنىڭ قازاق قىزدارىنان جوعارى دارەجەلى ماماندار دايارلاۋ تۋرالى №457 قاۋلىسى نەگىزىندە ينستيتۋت بولىپ اشىلدى.

ۇزاق جىلدار بويى ءوزىنىڭ قالىپتاسىپ،دامۋ جولىنان ءوتتى. ۋنيۆەرسيتەت تۇلەكتەرىنىڭ اراسىندا ەلىمىزگە تانىمال كوپتەگەن تۇلعالار شىقتى. اتى اڭىزعا اينالعان سوتسياليستىك ەڭبەك ەرلەرى رافيقا نۇرتازينا، رىسكۇل ماقاتوۆا، ۇعا اكادەميگى، وسى وقۋ ورنىن 16 جىل باسقارعان كۇلاش قۇنانتاەۆا، "مەملەكەتتىك تىلگە قۇرمەت" بىرلەستىگىنىڭ ءتورايىمى، فيلولوگيا عىلىمدارىنىڭ كانديداتى ا.وسمانوۆا، بەلگىلى قوعام قايراتكەرلەرى ج.ءامىرحانوۆا، و.اسانعازىقىزى، عالىمدار ءۇ.سۇبحانبەردينا، س.ۇزاقباەۆا، ز.جاكىشەۆا، كورنەكتى اقىندار ءا.بەركەنوۆا، ا.باقتىگەرەەۆا، بەلگىلى ادەبيەت سىنشىسى ءا.بوپەجانوۆا،  انشىلەر م.ەراليەۆا، ۇ.ايناقۇلوۆا، د.حامزينا، ت.اسار، گ.ومىرباەۆا، ۇ.بەلعوزيەۆالار سياقتى شوقتىعى بيىك تۇلاعالار قازاق ۇلتتىق قىزدار پەداگوگيكالىق ۋنيۆەرسيتەتىنەن ءبىلىم العان.

ەلىمىزدىڭ تۇكپىر-تۇكپىرىنەن پەداگوگ مامانداردى دايارلايتىن كيەلى شاڭىراقتا قازىرگى تاڭدا 700-دەن استام پروفەسسور-وقىتۋشىلار قىزمەت ەتەدى. جىلدان-جىلعا پروفەسسور-وقىتۋشىلار الەۋەتى جوعارىلاۋدا. ۋنيۆەرسيتەتتىڭ 5 فاكۋلتەتىندە 12 مىڭنان استام ستۋدەنت ءبىلىم الۋدا. اسىرەسە «اقپاراتتىق تەحنولوگيالار جانە كىتاپحانا ءىسى» كافەدراسىندا وقىتىلاتىن 6ۆ06102-اقپاراتتىق جۇيەلەر، 6ۆ06101-تسيفرلىق اناليتيكالىق ءبىلىم بەرۋ جۇيەلەرىن جوبالاۋ جانە 6ۆ03201 — كىتاپحانا ءىسى ءبىلىم بەرۋ باعدارلامالارىن ايرىقشا اتاپ وتكىم كەلەدى. اتالعان ءبىلىم بەرۋ باعدارلاماسىندا بيىلعى وزگەرىستەرگە سايكەس بەيىندىك پاندەر رەتىندە «ينفورماتيكا-ماتەماتيكا» قوسىلدى جانە ۇلتتىق ۋنيۆەرسيتەتكە ءتۇسۋدىڭ شەكتىك بالى - 65 بال بولىپ بەكىتىلدى. ءبىلىم بەرۋ باعدالاماسى يننوۆاتسيالىق تەحنولوگيا تالاپتارىنا سايكەس كەلەشەك ماماننىڭ قاجەتتى كاسىپتىك داعدىلاردى بويىنا ءسىڭىرىپ، تەلەكوممۋنيكاتسيالىق تەحنولوگيالار سالاسىندا بىلىكتى ءارى باسەكەگە قابىلەتتى بولىپ شىعۋىنا كەپىل بولادى.

ۋنيۆەرسيتەت ستۋدەنتتەرى تۇراتىن زاماناۋي جابدىقتالعان جاتاقحانادا وقۋ، TV, ترەناجەر زالدارى بار. بۇدان وزگە قىزدار ۋنيۆەرسيتەتىندە الەۋمەتتىك گەندەرلىك عىلىمي-زەرتتەۋ ينستيتۋتى، ارنايى عىلىمي-زەرتتەۋ ورتالىقتارى مەن زەرتحانالار بار. ۋنيۆەرسيتەتتە WI-FI جەلىسى ورناتىلىپ، عىلىمي كىتاپحانا تولىق اۆتوماتتاندىرىلعان. كىتاپحاناعا جاڭا وقۋ جىلىندا جاڭا وقۋلىقتار مەن  وقۋ-ادىستەمەلىك كىتاپتار ساتىپ الىندى.

سونىمەن قاتار ستۋدەنتتەر اكادەميالىق ۇتقىرلىق جانە قوس ديپلومدىق باعدارلاما بويىنشا ۇزدىك شەتەلدىك ۋنيۆەرسيتەتتەردە ءبىلىم الۋ مۇمكىندىگىنە يە. اتاپ ايتار بولساق:  ميسسيسيپي القابى مەملەكەتتىك ۋنيۆەرسيتەتى (اقش) ،لوندوننىڭ باتىس حالىقارالىق كوللەدجى (ۇلىبريتانيا), ريگا تەحنيكالىق ۋنيۆەرسيتەتى (لاتۆيا), كاتوۆيتسەدەگى سيلەزيا ۋنيۆەرسيتەتى (پولشا), نيدە ومەر حاليسدەمير (تۋركيا) وقۋ ورداسى.

اقپاراتتىق جۇيەلەر جانە تسيفرلىق اناليتيكالىق ءبىلىم بەرۋ جۇيەلەرىن جوبالاۋ ءبىلىم بەرۋ باعدارلامالارىنىڭ ستۋدەنتتەرى وندىرىستىك تاجىربيەسىن بىرقاتار بەدەلدى ءىت كومپانيالاردا وتەدى. بەيىندىك ءپان رەتىندە ينفورماتيكا جانە ماتەماتيكانى تاڭداعان جاس تالاپكەرلەردى اتالعان ءبىلىم بەرۋ باعدارلاماسىنا وقۋعا تاپسىرۋعا شاقىرامىز.

كالدىباەۆا ايجان سەيسەبەكقىزى،

اقپاراتتىق تەحنولوگيالار جانە كىتاپحانا ءىسى كافەدراسىنىڭ اعا وقىتۋشىسى

Abai.kz