«جامبىل وبلىسىنىڭ اۋىل شارۋاشىلىعى كووپەراتيۆتەرىن قۇرۋ ارقىلى اۋىل حالقىنىڭ كىرىسىن ارتتىرۋ ىلكى جوباسىن ماسشتابتاۋ جۇرگىزىلىپ جاتىر. جوبا سەنىمدى اگەنتتەر ارقىلى 7 جىلعا دەيىنگى ەڭ جوعارى مەرزىممەن، 2,5 پايىزدان اسپايتىن سىياقى مولشەرلەمەمەن شاعىن نەسيە بەرۋدى كوزدەيدى. اۋىل حالقى كىرىسىن ارتتىرۋ جوباسىن ماسشتابتاۋدى جۇزەگە اسىرۋ ءۇشىن 2023 جىلعا 11 مىڭ شاعىن نەسيە بەرۋ جوسپارىمەن 52,4 ملرد تەڭگە مولشەرىندە قاراجات قاراستىرىلعان»، - دەدى ءاليحان سمايىلوۆ جاۋابىندا.

ونىڭ اتاپ وتۋىنشە، اتالعان ءىس-شاراعا الداعى ۋاقىتتا 1 ترلن تەڭگەگە دەيىن قاراجات ءبولۋ كوزدەلىپ وتىر. ول ءۇشىن جەكە قوسالقى شارۋاشىلىقتاردىڭ باسىم بولىگى كووپەراتيۆ كاسىپكەرلىگىنە جۇمىلدىرىلادى. اۋىل شارۋاشىلىعى تەحنيكالارىن ليزينگپەن الۋ ءۇشىن جەڭىلدىكپەن شارتتار، شاعىن نەسيەلەر ۇسىنىلادى. سونىمەن قاتار ولار ءىرى قالالارداعى بازارلاردا ونىمدەرىن ساتۋعا مۇمكىندىك الادى.

«بۇل اۋىل شارۋاشىلىعىندا شامامەن 350 مىڭ ساپالى جۇمىس ورنىن قۇرۋعا مۇمكىندىك بەرەدى. سولتۇستىك قازاقستان وبلىسىنىڭ اگروونەركاسىپ كەشەنىندەگى ءىرى زاكىرلىك جوبالاردى جەڭىلدىكپەن قارجىلاندرۋ تاجىريبەسىن كوبەتۋ جۇمىسى دا جۇرگىزىلىپ جاتىر. ولار شاممەن 291 جوبا. قاراجاتتى قۇس ەتى، ءسۇت وندىرىسىنە قاتىستى ينۆەستيتسيالىق جوبالاردى، سونىمەن قاتار سۋارۋ، كوكونىس ءوسىرۋ جنە ولاردى ساقتاۋ ءۇشىن ينفراقۇرىلىم سالۋ ينۆەستيتسيالىق جوبالارىن جۇزەگە اسىرۋعا باعىتتاۋ جوسپارلانىپ وتىر. اتالعان ءىس-شارالار الەۋمەتتىك ماڭىزى بار ازىق-تۇلىك باعاسىن تۇراقتاندىرۋعا جانە جاڭا جۇمىس ورىندارىن قۇرۋ ەسەبىنەن اۋىل حالقىنىڭ كىرىسىن ارتتىرۋعا مۇمكىندىك بەردى»، - دەدى ۇكىمەت باسشىسى.

Abai.kz