بۇل تۋرالى «Samruk-Kazyna Construction» اق باسقارما توراعاسى ماۋلەن ايمانبەتوۆ قوردىڭ قوعامدىق كەڭەسىنىڭ وتىرىسىندا مالىمدەدى. وسىلايشا، ءۇشىنشى اۋىسىمنان تولىقتاي قۇتىلىپ، مەكتەپتەردەگى ورىن تاپشىلىعىن جويۋعا بولادى. قازىردىڭ وزىندە 225 مىڭعا جۋىق وقۋشىعا ورىن جەتپەيدى. جاڭا ۇلگىدەگى مەكتەپتەر 2025 جىلدىڭ سوڭىنا دەيىن رەسپۋبليكامىزداعى قالالاردا دا، شالعاي ەلدى مەكەندەردە دە سالىنادى. قۇرىلىسقا وتاندىق وندىرىستەگى ماتەريالدار قولدانىلادى، - دەپ اتاپ ءوتتى باسقارما باسشىسى «جايلى مەكتەپ» ۇلتتىق جوباسىنا ارنالعان جيىندا.

سونىمەن قاتار ول ءبىلىم وردالارىن جوبالاۋ قانداي نارسەلەرگە نەگىزدەلىپ قولعا الىناتىنىنا توقتالدى.

مەكتەپتەردى جوبالاۋ قازاقستاننىڭ قولدانىستاعى نورمالارىنا، قر ۇكىمەتى بەكىتكەن تەحنيكالىق تاپسىرمالارى مەن ءبىلىم بەرۋ ۇيىمدارىن سالۋداعى وزىق حالىقارالىق تاجىريبەگە نەگىزدەلەدى. ۇلتتىق جوبانىڭ بىرىڭعاي وپەراتورى رەتىندە كومپانيامىز بەلگىلەندى، - دەدى توراعاسى ماۋلەن ايمانبەتوۆ.

Abai.kz