پاۆلودار قالالىق اكىمشىلىك قۇقىقبۇزۋشىلىق جونىندەگى مامانداندىرىلعان سوت نۇرلان ءماسىموۆتىڭ ءىسىن قارادى.

وتىرىستا پاۆلودار وبلىسى پوليتسيا دەپارتامەنتىنىڭ بۇرىنعى باسشىسىنا قاتىستى ەكى ءىس قارالدى.

سوت دەپارتامەنتتىڭ 2021 جىلى 18 قىزمەتتىك جىلقىعا جەم ساتىپ الۋعا 60,9 ملن تەڭگە بولگەنىن انىقتادى. الايدا نورمالاردى بۇزىپ، 10,7 ملن تەڭگە ارتىق جوسپارلاعان. 2022 جىلى جەمگە 13,4 ملن تەڭگە بولىنگەن، بىراق نورمادان تىس 8,5 ملن تەڭگە قوسىلعان.

سوت ءتيىمسىز جوسپارلاۋ بيۋدجەت اقشاسىن ءتيىمسىز پايدالانۋعا اكەپ سوقتى دەپ ەسەپتەيدى.

«وبلىستىق پوليتسيا دەپارتامەنتىنىڭ بۇرىنعى باسشىسىنىڭ كىناسى اكىمشىلىك قۇقىقبۇزۋشىلىق تۋرالى حاتتامالار ارقىلى، اۋديتورلىق ەسەپتەر، تەكسەرۋ كوميسسياسىنىڭ ماتەريالدارى، ايعاقتار جانە سوت زەرتتەگەن باسقا دا ماتەريالدار ارقىلى دالەلدەنەدى. سوت قر اقبتك 234-1-بابى بويىنشا ايىپتالۋشىعا ءار ءىس بويىنشا 214,4 مىڭ تەڭگە كولەمىندە ايىپپۇل تاعايىندادى»، - دەپ حابارلادى سوتتىڭ ءباسپاسوز قىزمەتى.

بىلتىر 17 قاڭتاردا پاۆلودار وبلىسى پوليتسيا دەپارتامەنتىنىڭ باسشىسى نۇرلان ءماسىموۆ قىزمەتىنەن بوساتىلىپ، كەيىن وعان اسا اۋىر سىبايلاس جەمقورلىق قىلمىس جاسادى دەگەن ايىپ تاعىلىپ، ماۋسىم ايىندا ىزدەۋ جاريالاندى. نۇرلان ءماسىموۆ تۋرالى اقپارات بەرگەن ادامعا 12 ملن تەڭگەگە دەيىن سىياقى بەرىلەتىنى حابارلاندى.

2022 جىلى 13 شىلدە دە قر ۇلتىق قاۋىپسىزدىك كوميتەتىنىڭ وكىلدەرى نۇرلان ءماسىموۆتى رەسەيمەن شەكارادا ۇستادى.

Abai.kz