قاڭتار ايىنىڭ سوڭىندا بىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى 14,8 ترلن تەڭگەنى قۇرادى، دەپ مالىمدەدى قر ۇلتتىق بانكى توراعاسىنىڭ ورىنباسارى بەرىك شولپانقۇلوۆ.

«بىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى جىل باسىنان باستاپ 224 ملرد تەڭگەگە نەمەسە 1,5%-عا ۇلعايىپ، قاڭتار ايىنىڭ سوڭىندا 14,8 ترلن تەڭگەنى قۇرادى. جىل باسىنان باستاپ ينۆەستيتسيالىق كىرىس كولەمى 66,2 ملرد تەڭگە، زەينەتاقى جارنالارى – 156,1 ملرد تەڭگە، زەينەتاقى تولەمدەرى – 21 ملرد تەڭگە، مەرزىمىنەن بۇرىن الۋ سوماسى – 11,4 ملرد تەڭگە بولدى»، - دەدى ۇلتتىق بانك وكىلى.

سپيكەردىڭ ايتۋىنشا، زەينەتاقى اكتيۆتەرىنىڭ جيناقتالعان كىرىستىلىگى شوعىرلاندىرىلعان ساتتەن باستاپ 116,9%-دى قۇرادى.

ايتا كەتەيىك، قاڭتار ايىندا تەڭگەنىڭ دوللارعا قاتىستى باعامى 460,52 تەڭگەگە دەيىن 0,5%-عا نىعايدى. تەڭگە باعامى الەمدىك نارىق پەن گەوساياسي جاعدايلارعا بايلانىستى بولادى.

Abai.kz