اتىراۋ وبلىسىندا قاشاعان جوباسىنىڭ D ارالىندا جۇمىسشى كوز جۇمدى، دەپ حابارلادى NCOC كومپانياسى.

كومپانيانىڭ اقپاراتىنا قاراعاندا، قايعىلى وقيعا 9 اقپاندا بولعان.

قايتىس بولعان جۇمىسشى مەردىگەردىڭ ءبىرى – «سaspiy Ak Zhelken» كومپانياسىندا جۇمىس ىستەگەن.

«سaspiy Ak Zhelken مەردىگەرلىك كومپانياسى قىزمەتكەرى كەنەتتەن قايتىس بولدى. قايعىلى وقيعانىڭ وندىرىسكە قاتىسى جوق. NCOC كومپانياسى قايتىس بولعان قىزمەتكەردىڭ وتباسىنا كوڭىل ايتادى. جاقىن ادامىن جوعالتقان وتباسىعا جان-جاقتى كومەك كورسەتىلدى»، -دەپ حابارلادى NCOC كومپانياسىنان.

ەسكە سالا كەتەلىك، بۇعان دەيىن تەڭىز كەن ورنىنداعى جارىلىسقا قاتىستى سوتقا دەيىنگى تەرگەۋ باستالعا تۋرالى حابارلاعان.

پوليتسيا دەپارتامەنتىنىڭ اقپاراتىنا سۇيەنسەك، وقيعا 8 اقپان ساعات 13:50 شاماسىندا تەڭىز كەن ورنىنىڭ وندىرىستىك اۋماعىنان تىس جەردە بولعان.

«West Dala» كومپانياسىنا تيەسىلى ۆاكۋم تسيستەرناسى جارىلعان.

سونىڭ سالدارىنان 30 جاستاعى جۇمىسشى وقيعا ورنىندا مەرت بولدى. ال 29 جاستاعى جۇمىسشى ءتۇرلى دەنە جاراقاتىمەن اۋرۋحاناعا جەتكىزىلدى.

«تەڭىز كەن ورنىندا ءبىر جۇمىسشىنىڭ مەرت بولىپ، ەكىنشى ادامنىڭ جاراقات الۋىنا بايلانىستى سوتقا دەيىنگى تەرگەۋ باستالدى. تەرگەۋ قر قىلمىستىق كودەكسىنىڭ 156-بابىمەن (ەڭبەكتi قورعاۋ قاعيدالارىن بۇزۋ) ءجۇرىپ جاتىر»، - دەپ ءمالىم ەتتى پوليتسيا دەپارتامەنتىنىڭ ءباسپاسوز قىزمەتىنەن.

Abai.kz