قازاقستاندىقتار رەسەيمەن ديپلوماتيالىق جانە ەكونوميكالىق بايلانىستاردى توقتاتۋ كەرەك دەپ سانايدى. بۇل تۋرالى alash.online پلاتفورماسىنا پەتيتسيا جاريالاندى.

«قازاقستان بيلىگىنەن ۇقشۇ مەن ەاەو-دان شىعۋدى، سونداي-اق رەسەي فەدەراتسياسىمەن بارلىق ينتەگراتسيالىق پروتسەستەردى توقتاتۋدى تالاپ ەتەمىز!»، - دەلىنگەن حابارلامادا.

پەتيتسيا اۆتورىنىڭ جازۋىنشا، ەگەر ەلىمىز رەسەيمەن دوستىق قارىم-قاتىناسىن جالعاستىرا بەرسە، رەسەيدىڭ قولداۋىنان باس تارتپايتىن بولسا، الەم بىزدەن دە تەرىس اينالماق.

«سونداي-اق، بىزدە ەاەو مۇددەسىنە بولا، كولىكتى كەدەندىك راسىمدەۋ باعاسى قىمبات بولىپ تۇر، اتاپ ايتقاندا، «باستاپقى تىركەۋ» مەن ۋتيلالىم باعاسى»،-دەپ جازىلعان پەتيتسيادا.

جاريالانعانىنا ءالى ءبىر اي تولماعان پەتيتسياعا 34770 ادام قول قويعان. وعان 31536 ادام قولداپ داۋىس بەرسە، 3234 ادام قارسى داۋىس بولعان.

Abai.kz