سەناتور سەرىك شايداروۆ وڭىرلەرگە حالىقتىڭ جۇيەلى تۇردە كەتۋىنە بايلانىستى ۇلتتىق قاۋىپسىزدىككە قاۋىپ ءتونىپ تۇرعانىن مالىمدەدى، - دەپ جازدى Tengrinews.kz .

پارلامەنتتىك تىڭداۋدا سەناتور حالىقتىڭ كوشى-قون جاعدايى ناشار وڭىرلەردى اتادى.

سەرىك شايداروۆ 2010-2020 جىلدار ارالىعىندا كوشى-قون اعىنى ەسەبىنەن حالىق سانىنىڭ ءوسۋى بۇگىندە ەل حالقىنىڭ 36 پايىزى تۇراتىن اقتوبە وبلىسىندا، استانا، الماتى جانە شىمكەنت قالالارىندا بايقالعانىن ايتتى.

سونىمەن بىرگە، ونىڭ ايتۋىنشا، حالىقتىڭ جۇيەلى تۇردە كەتۋى قاراعاندى، قوستاناي، پاۆلودار، سولتۇستىك قازاقستان جانە شىعىس قازاقستان وبلىستارىندا ورىن الىپ جاتىر.

"مۇنىڭ بارلىعى تۇپتەپ كەلگەندە، وڭىرلەر اراسىنداعى ەلەۋلى الەۋمەتتىك-ەكونوميكالىق الشاقتىقتارعا عانا ەمەس، ەلدى مەكەندەردىڭ، اسىرەسە شەكارالاس ايماقتارداعى حالىقتىڭ السىزدىگىنەن ۇلتتىق قاۋىپسىزدىككە قاتەرلەردىڭ تۋىنداۋىنا الىپ كەلەدى. سوندىقتان جۇمىس ورىندارىن قۇرۋ جانە ماشينا جاساۋ سالاسىن دامىتۋ قاجەت. وڭىرلەردەگى ينفراقۇرىلىم تاياۋ بولاشاقتا ورتالىق جانە جەرگىلىكتى بيلىك ءۇشىن باسىمدىققا اينالۋى ءتيىس", - دەپ تۇيىندەدى ءسوزىن دەپۋتات.

Abai.kz