الماتى اكىمى ەربولات دوساەۆ قالاداعى باعانى تۇراقتاندىرۋ ءۇشىن 15 ملرد تەڭگە بولىنگەنىن مالىمدەدى.

«باعا تۇراقتىلىعى – قالا اكىمدىگى ءۇشىن ماڭىزدى ماسەلە جانە باستى مىندەت. ءبىز وتكەن جىلدىڭ كۇزىندە نەگىزگى ونىمدەرگە توسقاۋىل قويۋ جانە تۇراقتاندىرۋ جۇمىستارىن باستادىق. ماۋسىمنان تىس ۋاقىتتا ارنايى شارتتار جاسالدى. الماتى باعانى تۇراقتاندىرۋعا ەڭ كوپ قاراجات ءبولدى – 15 ملرد تەڭگە. كوكتەمدە ناۋرىز ايىنىڭ ورتاسىنان باستاپ، العاشقى ونىمدەردى الامىز. باعاسى شۇعىل كوتەرىلەتىن پوزيتسيالار بويىنشا باعالاردى تۇراقتاندىرامىز دەپ ۇمىتتەنەمىز»، - دەدى ول.

ايتۋىنشا، الماتىدا مونوپوليالىق «التىن وردادان» باسقا كوتەرمە جەتكىزۋشىلەر پايدا بولدى (بۇگىندە قالاعا كوكونىستەردىڭ، جەمىستەر مەن ەتتىڭ 75%-ى وسى نۇكتە ارقىلى جەتكىزىلەدى). ساۋدا جەلىلەرىنىڭ ءبىرى جەتكىزۋشىلەرمەن تىكەلەي جۇمىس ىستەي باستادى، سونىڭ ارقاسىندا باعالار تومەندەدى.

«اقسۋ قانت» زاۋىتىمەن 2,6 ملرد تەڭگەگە شارت جاسادىق. جازدا قانت باعاسى كوتەرىلمەيدى دەپ ۇمىتتەنەمىن. ءوزىڭىز بىلەسىز، ناننىڭ باعاسى كوتەرىلگەن جوق، ويتكەنى ءبىز ونى سۋبسيديالايمىز، جەرگىلىكتى بيۋدجەتتەن قوسىمشا اقشا بولدىك. وكىنىشكە قاراي، ازىق-تۇلىك ەمەس تاۋارلاردىڭ باعاسى دا ءوسىپ جاتىر، بۇل – فاكت. جالپى، گەوساياسي جاعدايعا بايلانىستى كولىك لوگيستيكاسى بۇزىلدى، بىراق بىرتە-بىرتە ءبىزدىڭ كومپانيالار ءتۇرلى جولداردى ىزدەيدى، جاڭا جەتكىزۋشىلەر پايدا بولدى»، - دەپ اتاپ ءوتتى شاھار باسشىسى.

Abai.kz