«اق جول» دەموكراتيالىق پارتياسىنىڭ ۇگىت-ناسيحات توبى ناۋقاننىڭ العاشقى كۇنىن ۇلت ۇياسى ۇلىتاۋ وبلىسىنان باستاپ، الدىمەن جوشى حان كەسەنەسىنە بارىپ قۇران باعىشتادى.

بۇل تەگىن ەمەس. جوشى حان قازاق حاندىعىنىڭ نەگىزىن قالاعان الەمگە تانىمال قايراتكەر. التىن وردانىڭ نەگىزىندە قازاق حاندىعىنىڭ قۇرىلعانىن ەسكەرسەك، تاريحىمىزدىڭ تامىرى ۇلىتاۋدا جاتقانىن دالەلدەيدى. ونىڭ ۇستىنە بيىل جوشى حاننىڭ تاققا وتىرعانىنا 800 جىل تولىپ وتىر. «اقجولدىڭ» ۇلىتاۋدان باستالعان ۇگىت-ناسيحات جۇمىستارى سايلاۋ دوداسىندا تەك عانا جەڭىسكە جەتۋگە باستايتىنى انىق.

«تۇلپارىنىڭ تۇياعىنىڭ ءدۇبىرى ەۋروپانى دىرىلدەتكەن، جارتى قۇرلىقتى جاۋلاعان التىن وردانىڭ اتاسى، ۇلىق ۇلىستىڭ ۇلى حانى جوشى حاننىڭ ۇلىتاۋداعى كەسەنەسىندە تۇرمىز. «اق جول» نەگە سايلاۋ جورىعىن ۇلىتاۋدان باستادى؟!

باعزى زامان تاريحىن بالبال تاستارى جىرلاپ تۇرعان بۇل ولكە ساف التىننان ساۋىت كيگەن ساقتاردا باستاساق تا، قۋاتتى عۇندارعا قۇلاش سىلتەسەك تە، كوك اسپان استىن جاۋلاعان كوك تۇرىكتەردەن، ۇلىق ۇلىستان، التىن وردا مەن قاناتىن كەڭگە جايعان قازاق حاندىعىنان تامىر تارتاتىن الاش ۇستانىمىن ۇستانعان “اق جولدىڭ” سايلاۋ جورىعىنىڭ اق جولىن ۇلىتاۋدان باستاۋىنىڭ سىرى وسىندا جاتىر»، -دەدى قازىبەك يسا.

پارتيانىڭ رەسپۋبليكالىق شتاب وكىلدەرى قازىبەك يسا مەن بەرىك دۇيسەمبينوۆ ساعات 18:00-دە ۇلىتاۋلىق سايلاۋشىلارمەن كەزدەسىپ، ءباسپاسوز كونفەرەنتسياسىن وتكىزدى.

شتاب مۇشەلەرى ايماق تۇرعىندارىنا پارتيانىڭ سايلاۋالدى باعدارلاماسىن تانىستىرىپ، ۇلتتىق مۇددە، كاسىپكەرلەر قۇقىعى، قازاق ءتىلىنىڭ ماڭىزدىلىعى، ەلىمىزدە ءوندىرىستى دامىتۋ، سىبايلاس جەمقورلىقپەن كۇرەس، دەوفشوريزاتسيا ماسەلەلەرىنە ەرەكشە توقتالدى.

*ماتەريالدىڭ اقىسى «اق جول» پارتياسىنىڭ سايلاۋ قورىنان تولەندى.

Abai.kz