جەتىسايدا انتيكور وكىلدەرى اكىمدەردەن اقشا بوپسالاعان. بۇل تۋرالى باس پروكۋراتۋرا جازدى.

«سىبايلاس جەمقورلىققا قارسى كۇرەس قىزمەتىنىڭ وكىلدەرى تۇركىستان وبلىسى جەتىساي اۋدانىنىڭ اكىمدىگىن تەكسەرىپ، اۋىلدىق وكرۋگتەردىڭ اكىمدەرىن قىلمىستىق جاۋاپكەرشىلىككە تارتۋمەن قورقىتىپ، ولاردان اقشالاي قاراجات تالاپ ەتكەن. ولاردىڭ تۇراقتى تۇردەگى تالاپتارىنان كەيىن اكىمشىلىك جۇمىسكەرلەرى تەكسەرۋشىلەرگە تەكسەرىستىڭ وڭ شەشىلۋى ءۇشىن 400-مىڭنان 630-مىڭ تەڭگەگە دەيىنگى قاراجات بەرىپ، پارا بەرۋ دەرەگى بويىنشا ۇستالعان.

ناتيجەسىندە 7 اۋىلدىق وكرۋگتىڭ اكىمدەرى مەن اكىمشىلىكتىڭ 1 ەسەپشىسى سوتتارمەن ءارتۇرلى مەرزىمگە باس بوستاندىقتارىنان ايىرۋ جانە ايىپپۇل تۇرىندەگى جازالارعا تارتىلعان»، - دەپ مالىمدەدى باس پروكۋراتۋرا.

باس پروكۋروردىڭ نارازىلىعىمەن جوعارعى سوت ولاردى تولىعىمەن اقتاپ، سىبايلاس جەمقورلىققا قارسى قىزمەت وكىلدەرىنىڭ ءىس-ارەكەتتەرىندە تىكەلەي ارانداتۋشىلىق بار ەكەنىن انىقتاعان. ءوز كەزەگىندە، 2 جەدەل وكىلگە قاتىستى قىلمىستىق كودەكتىڭ 362-بابى 4-بولىگىمەن (بيلiكتi جانە لاۋازىمدىق وكiلەتتiكتەردى اسىرا پايدالانۋ) سوتقا دەيىنگى تەرگەپ-تەكسەرۋ باستالعان.

تەرگەپ-تەكسەرۋدى باس پروكۋراتۋرانىڭ ارنايى پروكۋرورى جۇرگىزىپ، كىنالارىن تولىعىمەن دالەلدەپ، قىلمىستىق ءىس سوتقا جولدانعان.

تۇركىستان وبلىسى جەتىساي اۋداندىق سوتىنىڭ 2023 جىلعى 26 قاڭتارداعى ۇكىمىمەن اۋىر ساناتتاعى لاۋازىمدىق قىلمىس جاساعاندارى ءۇشىن سىبايلاس جەمقورلىققا قارسى قىزمەتتىڭ بۇرىنعى 2 جەدەل وكىلى ارنايى شەندەرىنەن ايىرىلىپ، ارقايسىسى 6 جىلعا باس بوستاندىقتارىنان ايىرۋ جازاسىنا تارتىلدى. جابىرلەنۋشىلەردىڭ پايداسىنا مورالدىق زالال ءوندىرىلدى»، - دەلىنگەن حابارلامادا.

ۇكىم زاڭدى كۇشىنە ەنگەن جوق، سوتتالۋشىلار شاعىمدانعان.

Abai.kz