ەنەرگەتيكا ءمينيسترى بولات اقشولاقوۆ تۇرمىستىق جانە كوممۋنالدىق-تۇرمىستىق تۇتىنۋشىلارعا گازدى ۇنەمدەپ تۇتىنۋدى ىنتالاندىرۋ ءۇشىن سارالانعان باعا ەنگىزۋ كەرەك دەپ سانايدى.

«ەنەرگەتيكا مينيسترلىگىنە ۇلتتىق ەكونوميكا، يندۋستريا جانە ينفراقۇرىلىمدىق دامۋ مينيسترلىگىمەن، جەرگىلىكتى اتقارۋشى ورگاندارمەن، سامۇرىق-قازىنامەن، قازاقگازبەن بىرلەسىپ وسى تەتىكتى ازىرلەپ، ەنگىزۋدى تاپسىرۋىڭىزدى سۇرايمىن»، - دەدى بولات اقشولاقوۆ ۇكىمەت باسشىسى ءاليحان سمايىلوۆتان.

ونىڭ سوزىنشە، ەلدىڭ جىلى ايماقتارى ورتاشا تەمپەراتۋراسى الدەقايدا تومەن ايماقتارمەن بىردەي دەڭگەيدە گاز تۇتىنادى، سوندىقتان حالىقتى گازداندىرۋ بويىنشا بەلسەندى جۇمىسپەن قاتار ەنەرگيا رەسۋرسى رەتىندە گازدى ۇتىمدى، ۇنەمدەپ تۇتىنۋ مادەنيەتىن ەنگىزۋ قاجەت.

سونداي-اق بولات اقشولاقوۆ وڭىرلەردى ودان ءارى گازداندىرۋ ءۇشىن قابىلدانۋى قاجەت قوسىمشا ءىس-شارالاردى اتادى:

«بەينەۋ-بوزوي-شىمكەنت» ماگيسترالدىق گاز قۇبىرىنىڭ 2-ءشى تىزبەگىن سالۋ; كوگىلدىر وتىنعا قول جەتكىزۋدىڭ اشىق تەتىگىن قامتاماسىز ەتۋ ءۇشىن وسى جىلى قازاقگازدىڭ گازعا قوسىلۋ پروتسەستەرىن تسيفرلاندىرۋدى اياقتاۋ; گازبەن جابدىقتاۋ وبەكتىلەرىن جەرگىلىكتى اتقارۋشى ورگانداردان قازاقگازعا بەرۋ جونىندەگى جۇمىستى جەدەلدەتۋ.

Abai.kz