اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆا جوعارعى سوتقا شاعىم تۇسىرەتىنىن مالىمدەدى.

كەشە، 20 اقپاندا ب.حامەنوۆانىڭ ىسىنە قاتىستى اپەللياتسيالىق شاعىمى قارالدى جانە سوت القاسى 7 جىلعا سوتتالعان ەكس-شەنەۋنىككە شىققان ۇكىمدى وزگەرىسسىز قالدىردى. ەندى ب.حامەنوۆا جوعارعى سوتقا شاعىم تۇسىرەتىنىن ايتىپ وتىر.

«ەندىگى ءۇمىت – جوعارعى سوتتا. مەنىڭ ەش كىنام جوق. سوندىقتان كاسساتسيالىق ساتىداعى جوعارعى سوت ءىستىڭ ەگجەي-تەگجەيىن قاراپ، ۇكىم شىعارادى دەپ ويلايمىن. ءوزىمنىڭ اقتىعىمدى دالەلدەۋ ءۇشىن سوڭىنا دەيىن كۇرەسەمىن. جوعارعى سوتقا جۇگىنىپ، ادىلدىككە جەتەمىز»، - دەپ ءمالىم ەتتى ول تىلشىلەرگە.

ەسكە سالايىق، اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆانىڭ ىسىنە قاتىستى سوت وتىرىسى بىلتىرعى 11 تامىزدا باستالعان ەدى. ايىپتاۋ اكتىسى 55 بەتتەن تۇردى.

بىلتىرعى 15 قاراشادا ۇكىم شىعىپ، ول 7 جىلعا سوتتالدى. سوت وبلىس اكىمىنىڭ بۇرىنعى ورىنباسارىن قر قىلمىستىق كودەكسىنىڭ 366-بابى 3-بولىگىنىڭ 2-تارماعىمەن ء(ىرى كولەمدە پارا الۋ) كىنالى دەپ تانىدى.

ونىڭ جاس بالالارىنىڭ بارى ەسكەرىلىپ، قىلمىستىق كودەكستىڭ 74-بابى 1-بولىگىنە سايكەس جازانى وتەۋ مەرزىمى 3 جىلعا كەيىنگە قالدىرىلدى.

كەيىن حامەنوۆا سوت ۇكىمىنە اپپەلياتسيالىق شاعىم ءتۇسىردى.

Abai.kz