قازاقستاندا جۋرناليستەر مەن بلوگەرلەرگە جاسالعان شابۋىلعا قاتىستى 18 ادام ۇستالدى، - دەپ جازدى Tengrinews.kz.

ىشكى ىستەر مينيسترلىگى مالىمەتىنشە، 2022 جىلعى قىركۇيەكتەن باستاپ 2023 جىلعى 20 اقپانعا دەيىن الماتى جانە استانادا 6 جۋرناليست پەن بلوگەرگە، سونىمەن بىرگە 1 ادامنىڭ قىزمەتىنە بايلانىستى زاڭسىز ارەكەتتەر جاسالعان.

"جابىرلەنۋشىلەرگە قاتىستى جىلجىمايتىن مۇلىككە قاساقانا زاقىم كەلتىرۋ، اۆتوكولىكتەردى ورتەۋ، ولارعا ءارتۇرلى زات جىبەرىپ قورقىتۋ دەرەكتەرى، جابىرلەنۋشىلەردىڭ مەكەنجايلارى بويىنشا تەرروريزم اكتىسى تۋرالى كورىنەۋ جالعان حابارلامالار جانە ينتەرنەت جەلىسىندە دەربەس دەرەكتەرىن تاراتۋ دەرەكتەرى جاسالدى. وسى قىلمىستاردى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلدى. قر قىلمىستىق كودەكسىنىڭ 115 "قاۋىپى", 147 "جەكە ومىرىنە قاتىستى مالىمەتتەردى تاراتۋ", 158 "جۋرناليستىك قىزمەتكە كەدەرگى جاساۋ", 202 "بوتەننىڭ مۇلكىن قاساقانا جويۋ", 293 "بۇزاقىلىق" باپتارى بويىنشا 20 قىلمىستىق ءىس قوزعالدى. بۇعان قاتىسى بار 18 ادام ۇستالدى", - دەلىنگەن حابارلامادا.

ەسكە سالايىق، قازاقستاندا بىرنەشە تاۋەلسىز جۋرناليسكە شابۋىل جاسالدى. كەيىنگىسى 2023 جىلعى 19 اقپاندا بولدى. "گيپەربورەي" Youtube-ارناسىنىڭ اۆتورى، جۋرناليست ۆاديم بورەيكو ارىپتەسىنىڭ ەكى كولىگى جارىلعانىن حابارلادى. ونىڭ الدىندا جۋرناليست ۆاديم بورەيكونىڭ ءوز ءۇيىنىڭ ەسىگىن الدەكىمدەر جەلىمدەپ كەتكەن ەدى.

Abai.kz