بۇگىننەن باستاپ قىتاي الەمدەگى "حالىق سانى ەڭ كوپ ەل" ستاتۋسىن جوعالتتى

2022 جىلدىڭ قورتىندىسى بويىنشا ءۇندىستان حالقىنىڭ سانى World Population Review (WPR) مالىمەتتەرى بويىنشا 1,417 ميلليارد ادامدى قۇرادى. بۇل قىتايداعى كورسەتكىشتەن 5 ميلليون ادامعا كوپ. ال قىتايداعى حالىق سانى - 1,412 ميلليارد ادام.

قىتايدا 1959-1961 جىلدارداعى اشارشىلىقتان كەيىن حالىق سانى العاش رەت ازايىپ وتىر. جانە بۇل ازايۋ ءوز قارقىنىن كۇشەيتكەن. ول كومپارتيانىڭ الاڭداۋشىلىعىن تۋعىزدى.

جاس وتباسىلاردىڭ بالا تۋ كورسەتكىشى ازايعان جانە كەلىنشەكتەردىڭ كۇيەۋگە شىعۋعا دەگەن ىنتاسى تومەندەپ كەتكەن. "چايلدفري" پروپاگانداسى دا كۇشەيگەن.

ەڭبەككە قابىلەتتى ادام سانىنىڭ قىسقارۋى قىتاي ەكونوميكاسىنا سوققى بولىپ تيمەك. جۇمىس كۇشىنىڭ قۇنى ارتىپ، حالىقارالىق كومپانيالار ءوز ءوندىرىسىن قىتايدان ءۇندىستان، بانگلادەش، يندونەزيا مەن ۆەتنام سياقتى جۇمىس كۇشى كوپ، ءارى ارزان ەلدەرگە اۋىستىرۋى مۇمكىن. بۇل ءوز كەزەگىندە الەمدەگى لوگيستيكا كارتاسىن وزگەرتەدى.

قازاقستان ەكونوميكاسى ءۇشىن قىتاي ەكونوميكاسىنىڭ وسە بەرگەنى ءتيىمدى. سەبەبى، ونداعى تۇتىنۋدىڭ ارتۋى ءبىزدىڭ ەكسپورتتىق تابىستارىمىزدى قامتاماسىز ەتىپ كەلدى. ال ۇندىستانمەن اسا قاتتى بايلانىسىمىز بار دەۋگە كەلمەيدى. سەبەبى، ورتاق شەكارا جوق.

Abai.kz