بيىل 3 ناۋرىزدا قازاقستاندا بانكرونتتىققا ءوتىنىم قابىلداۋ باستالادى. بۇل تۋرادى قارجى ۆيتسە-ءمينيسترى ەرجان ءبىرجانوۆ ايتتى، دەپ حابارلادى Halyq Uni.

ۆيتسە-ءمينيستردىڭ ايتۋىنشا، بۇگىندە 1 ملن 180 مىڭ قازاقستاندىقتىڭ 1 ترلن 100 ملرد تەڭگەسى بار.

3 ناۋرىزدا العاشقى وتىنىمدەردى قابىلداۋدى باستايمىز. قىزمەتكەرلەرىمىز وڭىرلەرگە جىبەرىلەدى. بۇعان دەيىن ءبىز حالىق اراسىندا ءتۇسىندىرۋ جۇمىستارىن جۇرگىزدىك. بانكروتتىقتى راسىمدەۋ قارىزدى كەشىرۋ ءارى راقىمشىلىق ەمەس. ونىڭ سالدارى بولادى، - دەدى ەرجان ءبىرجانوۆ سەناتتىڭ جالپى وتىرىسىندا.

سكە سالايىق، بيىل 3 ناۋرىزدان باستاپ قازاقستاندا بانكروتتىققا ءوتىنىش قابىلداۋ باستالادى. قارىزىن (نەسيەسىن) تولەي الماي جۇرگەن قازاقستاندىقتار 3 ءتۇرلى ءراسىم بويىنشا كرەديتىنەن قۇتىلا الادى:

ءبىرىنشى ءراسىم – سوتتان تىس بانكروتتىق. ونى تەك بانكتەر، ميكروقارجى ۇيىمدارى جانە كوللەكتورلىق اگەنتتىكتەر الدىنداعى قارىزدار بويىنشا قولدانۋعا بولادى.

ەكىنشى ءراسىم – سوت بانكروتتىعى. سوت بانكروتتىعىنىڭ ماقساتى – بانكروتتىڭ مۇلىكتىك ماسساسى ەسەبىنەن كرەديتورلاردىڭ تالاپتارىن بارىنشا قاناعاتتاندىرۋ.

ءۇشىنشى ءراسىم، بۇل – تولەم قابىلەتتىلىگىن قالپىنا كەلتىرۋ، وندا سوت ارقىلى بورىشتى ءبولىپ-ءبولىپ تولەۋ (5 جىلعا دەيىن) مۇمكىندىگى.

بانكروت دەپ تانىلعان ادام 5 جىل نەسيە الا المايدى. سونىمەن بىرگە، 7 جىلدىڭ ىشىندە ءوزىن قايتادان بانكروت دەپ تانىلۋ مۇمكىندىگىنەن ايىرىلادى. ولاردىڭ قارجىلىق جاعدايى بانكروتتىقتان كەيىن ءۇش جىل بويى تەكسەرىلەدى.

Abai.kz