الماتى قالالىق سايلاۋالدى شتابى قاتارىنداعى «AMANAT»-تان دەپۋتاتتىققا كانديداتتار «راحات» كونديتەرلىك ونىمدەر فابريكاسىندا كاسىپكەرلىك، ءوندىرىس پەن شاعىن جانە ورتا بيزنەستى دامىتۋ ماسەلەلەرىن تالقىلادى.

ۇجىممەن كەزدەسۋگە شتاب مۇشەلەرى مەيىرجان وتىنشيەۆ، ءاسيا اقانوۆا، ەلەنا تيو، بولات سادىقوۆ، عالىمجان توعىزباەۆ جانە ماقسات قاليمولداەۆ كەلدى.

ەلەنا تيو «AMANAT» پارتياسىنىڭ الماتى قالاسى بويىنشا الداعى بەس جىلعا ارنالعان باعدارلاماسى الەۋمەتتىك زەرتتەۋلەر مەن فوكۋس-توپتار، سونداي-اق 2022 جىلعى رەسپۋبليكالىق رەفەرەندۋم مەن قر پرەزيدەنتىنىڭ سايلاۋى، حالىقپەن كەزدەسۋلەر بارىسىندا جينالعان الماتىلىقتاردىڭ تالاپ-تىلەگى مەن ۇسىنىستارى نەگىزىندە ازىرلەنگەنىن تىلگە تيەك ەتتى. سونىمەن قاتار، الماتى قالاسىن دامىتۋدىڭ باعدارلامالىق قۇجاتى دا نازارعا الىنىپتى.

دەپۋتاتتىققا ۇمىتكەرلەر پارتيا ەڭبەك كىرىستەرىن، جۇمىسپەن قامتۋ تۇراقتىلىعىن جانە ەكونوميكانى جاقسارتۋ ءۇشىن الماتى ەكونوميكاسىنىڭ باسىم سەكتورلارىندا جوعارى ناتيجەلى جۇمىس ورىندارىن قۇرۋعا قول جەتكىزۋدى كوزدەيتىنىن مالىمدەدى.

ماسەلەن، دەپۋتاتتىققا ۇمىتكەر عالىمجان توعىزباەۆ مەگاپوليستەگى شاعىن ونەركاسىپ پاركتەرىنىڭ ساتىپ الىنعان اۋماقتارىن قارىزدى قامتاماسىز ەتۋ رەتىندە پايدالانۋعا مۇمكىندىك بەرەتىن ونەركاسىپتىك يپوتەكانى ەنگىزۋدى قولدايتىنىن جەتكىزدىك. مەملەكەتتىك جانە وڭىرلىك باعدارلامالار اياسىندا شوب ءۇشىن جىل سايىن 40 ملرد. تەڭگەدەن استام نەسيە ءبولۋ قاراستىرىلعان. ناتيجەسىندە الماتىنىڭ ءجوو قۇرىلىمىنداعى وڭدەۋ ونەركاسىبىنىڭ ۇلەسى 4,8%-دان 6,7%-عا دەيىن وسەدى دەگەن بولجام بار.

دەپۋتاتتىققا ۇمىتكەرلەر ۇلتتىق بايلىعىمىزدى ۇنەمدى ءارى ءتيىمدى پايدالانۋىمىز كەرەكتىگىن، ەلىمىزدىڭ ءاربىر ازاماتى ونىڭ يگىلىگىن كورۋ كەرەكتىگىن باياندادى.

«ەكونوميكانىڭ بارلىق سالاسىندا تۇراقتى جۇمىس ورىندارى اشىلادى. ادال ءارى ءونىمدى ەڭبەك ەتكەن ادام قۇرمەتكە يە بولادى، لايىقتى قورعالادى جانە جاقسى جالاقى الادى. سايلاۋالدى باعدارلامادا ايتىلعانداي، مەملەكەت كاسىپكەرلىكتى ىنتالاندىرۋعا جانە ونى قورعاۋعا بار كۇش-جىگەرىن سالاتىن بولادى. ادىلەتتى قازاقستاندا زاڭ تالاپتارىن ساقتايتىن كەز-كەلگەن شاعىن، ورتا جانە ءىرى بيزنەسكە لايىقتى جاعداي جاسالادى. بيزنەستىڭ باسەكەگە قابىلەتىن ارتتىرۋعا كەدەرگى كەلتىرەتىن نارسەنىڭ ءبارى جويىلادى»، – دەپ سەندىردى ۇگىت-ناسيحات توبى.

الماتى قالاسى ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى.

Abai.kz