بۇل جونىندە عالىم، اكادەميك ديحان قامزابەكۇلى «Qasqa jol» Youtube ارناسىندا جۋرناليست اباي سەيفۋللاعا بەرگەن سۇحباتىندا ايتتى. ول، بۇعان دەيىن، اسىرەسە، ورداعا ءسوزى وتەتىن زيالى قاۋىم وكىلدەرى قوعامداعى ءوز ءرولىن ۇمىتىپ، جاعىمپازدىققا، اسىرە وداعا بارعانىن جاسىرمادى.

«الدىڭعى باسشىمىزدا (ن.نازارباەۆ – اۆت.) بوساڭسۋ بولعان شىعار. اينالاسىندا كوپشىك قويۋ قويۋشىلار بولدى. ال بۇگىنگى پرەزيدەنت قاسىم-جومارت توقاەۆ اشىق ايتتى: «قازاق ورتاسىندا ماقتاۋدىڭ كوپ ەكەنىن، زيالى قاۋىم وكىلدەرى سوعان يكەمدەلىپ تۇراتىنىن مەن بىلەم، بىراق بۇل ماقتاۋ ماعان وتپەيدى». وسىلاي دەدى. مەنىڭ تۇسىنىگىمدە بۇگىن جاعىمپازدىق، ودا، كوپشىك قويۋ دەگەن جۇرمەيدى. قازىر بيلىك ادامى حالىقتىڭ قىزمەتشىسى ەكەنىن ءتۇسىنىپ ءجۇرۋى كەرەك. مەملەكەت باسشىمىزدىڭ ازاماتتىعى دا وسى ورەدە دەپ ەسەپتەيمىن»، - دەپ پىكىر ءبىلدىردى پروفەسسور.

ونىڭ ويىنشا، ەندى مۇنداي جاعدايلار قايتالانسا, تراگەديا ورىن الۋى مۇمكىن.

«مەن وندايعا ۇرىنا قويمادىم. ايتپەسە ايتۋعا، كوپشىك قويۋعا مۇمكىندىك بولدى. بيلىك تە، ءبارى دە ۋاقىتشا. حالىققا، كاسىبىڭە قىزمەت ەتسەڭ, ەلدىڭ باتاسىن الاسىڭ. تاريح قايتالانادى، ەكىنشى رەت قايتالانسا تراگەدياعا ۇلاسىپ كەتۋى مۇمكىن... زيالى قاۋىم ءوز ءرولىن تولىق اتقارا المادى دەپ ويلايمىن. ەگەر ولاردىڭ پاراساتى بيىك بولسا، بالكىم قاڭتار وقيعاسى نەمەسە قاڭتارعا دەيىنگى قيىندىقتار بولماس پا ەدى»،- دەيدى ول.

سۇحباتتىڭ تولىق نۇسقاسىن وسى جەردەن كورە الاسىز