2023 جىلعى 1 اقپانداعى جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا رەسمي تۇردە 13 496 شەتەل ازاماتى جۇمىس ىستەپ ءجۇر. 

«شەتەل جۇمىس كۇشىن (شجك) تارتۋعا بەرىلگەن رۇقسات قۇجاتتارىنىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 570 رۇقسات ء(بىرىنشى سانات), قۇرىلىمدىق بولىمشەلەردىڭ باسشىلارىنا 3 000 رۇقسات (ەكىنشى سانات). تارتىلعان شەتەل جۇمىس كۇشىنىڭ نەگىزگى بولىگى ءۇشىنشى (ماماندار - 7 388) جانە ءتورتىنشى (بىلىكتى جۇمىسشىلار - 883) ساناتتارعا جاتادى. سونداي-اق ماۋسىمدىق جۇمىستارعا 217 ادام، ال كورپوراتيۆتىك اۋىستىرۋ اياسىندا 1 438 ادام تارتىلدى»، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگى مالىمەتىندە.

قازىرگى كەزدە قازاقستاندا شجك پايدالاناتىن 1 645 جۇمىس بەرۋشى بار. ولاردا 411 مىڭنان استام قازاقستان ازاماتى جۇمىس ىستەپ ءجۇر، بۇل ءوز كەزەگىندە قىزمەتكەرلەردىڭ جالپى سانىنىڭ 96 پايىزى.

ەكونوميكالىق قىزمەت تۇرلەرى بويىنشا كوبى قۇرىلىس سالاسىندا، ياعني 5 458 ادام (42%) قامتىلعان. ودان كەيىن تاۋ–كەن ونەركاسىبى جانە كارەرلەردى قازۋ باعاتىندا 1 879 ادام (11%), اۋىل، ورمان جانە بالىق شارۋاشىلىعىندا – 1 733 ادام (4%), وڭدەۋ ونەركاسىبىندن – 1 641 ادام (7%), عىلىمي جانە تەحنيكالىق قىزمەتتە 1 057 ادام (8% ) قىزمەت ەتىپ جاتىر.

ەڭبەك ميگرانتتارى كەلەتىن نەگىزگى ەلدەر: قىتاي – 3 411 ادام، ءۇندىستان – 1 693 ادام، تۇركيا – 1 615 ادام، ۇلىبريتانيا – 1 104 ادام، وزبەكستان – 391 ادام.

اتاپ ايتقاندا، ىشكى ەڭبەك نارىعىن قورعاۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيدى جانە بولەدى. بۇل ۆەدومستۆو 2023 جىلعا شەتەل جۇمىس كۇشىن تارتۋعا ارنالعان كۆوتانى 22 226 دەڭگەيىندە (0,24%) بەلگىلەدى.

Abai.kz