بولگاريا ۋكرايناعا سناريادتار جەتكىزىپ تۇرۋ ءۇشىن 35 جىلدان بەرى جۇمىس ىستەمەي توقتاپ تۇرعان زاۋىتىن قايتادان ىسكە قوساتىن بولادى، دەپ جازادى Halyq-uni.

كوستەنتس قالاسىندا ورنالاسقان «تەرەم» زاۋىتى 1988 جىلى الەمدە قىرعي-قاباق سوعىس اياقتالعاننان كەيىن ءوز ءوندىرىسىن توقتاتقان ەدى. ەندى بولگاريا ۋكرايناعا سوعىسقا قاجەتتى سناريادتاردى دەر كەزىندە مولىنان جەتكىزىپ بەرىپ تۇرۋ ءۇشىن سول زاۋىتتى قايتا ىسكە قوسۋعا مۇددەلى بولىپ وتىر.

«تەرەم» زاۋىتىندا كەزىندە، 1989 جىلى سوڭعى سنارياد شىققانشا 122 ميلليمەترلىك وق-دارىلەر دايىندالىپ تۇرعان ەكەن.

The New York Times گازەتىنىڭ حابارلاۋىنشا، كوستەنتس قالاسى تۇرعىندارى بۇل جاڭالىقتى جاقسى قابىلداعان. مۇنىڭ ءوزى، بىرىنشىدەن، ونسىز دا تۇرمىستارى اۋىر بولگار جۇرتىنىڭ قوسىمشا جۇمىس ورنىن تابۋلارىنا جول اشسا، ەكىنشىدەن، ۋكراينا ارمياسىنىڭ تەزىرەك باسقىنشى جاۋدى ەل تەرريتورياسىنان قۋىپ شىعۋىنا جاردەمدەسەدى.

سونىمەن ءبىر مەزگىلدە سوپوت قالاسىنداعى سناريادتار وندىرەتىن زاۋىت ۋكراين ارمياسىنىڭ مۇقتاجدىقتارىن وتەۋ ءۇشىن التى كۇندىك جۇمىس كەستەسىنە كوشىپ كەتتى.

بولگاريا ۇكىمەتى وتكەن جىلدىڭ جەلتوقسان ايىندا ۋكرايناعا اتىس قارۋلارى مەن وق-دارىلەردىڭ بىرقاتار تۇرلەرىن جەتكىزىپ تۇرۋعا نيەتتى ەكەندەرىن مالىمدەگەن بولاتىن.

سول ارالىقتا رەسپۋبليكاشىل مايكل ماككول اقش كونگرەسىندە كيەۆكە الىسقا اتىلاتىن سناريادتار بەرۋدى باستاۋ جونىندەگى پەيىلدىڭ كۇن سايىن وسى تاراپقا قاراي بۇرىلىپ كەلە جاتقانىن، بۇل كۇننىڭ تىم الىستا ەمەس ەكەنىن ايتتى.

Abai.kz