تۇركيانىڭ وڭتۇستىگىندە بولعان جويقىن جەر سىلكىنىسىنەن قازا تاپقاندار سانى 45 089 ادامعا جەتتى. بۇل تۋرالى انادولى اقپارات اگەنتتىگى حابارلاعان.

تۇركيادا توتەنشە جاعدايلاردىڭ سالدارىن جويۋ باسقارماسىنىڭ (AFAD) مالىمەتىنشە، جەراستى دۇمپۋلەرىنەن كەيىن 11 مىڭنان استام افتەرشوك تىركەلگەن. قازىرگى كەزدە اپات ايماعىندا ىزدەۋ-قۇتقارۋ جۇمىستارىنا تۇركيا مەن شەت ەلدەردىڭ ءتيىستى قىزمەتتەرىنەن 6 368 ادام جۇمىلدىرىلعان. سونداي-اق جۇمىسقا 234 مىڭنان استام تارتىلدى. ولاردىڭ اراسىندا AFAD قىزمەتكەرى، پوليتسيا، اسكەريلەر مەن ەرىكتىلەر بار. حابارلاماعا سايكەس، قالپىنا كەلتىرۋ جۇمىستارىنا ەكسكاۆاتورلار، كراندار، بۋلدوزەرلەر، جۇك كولىكتەرى، سۋ تاسۋشى ماشينالار، تىركەمەلەردەن تۇراتىن 18 مىڭنان استام تەحنيكا جۇمىلدىرىلدى. ءزىلزالادان زارداپ شەككەندەر ءۇشىن 358 مىڭنان استام شاتىر تىگىلگەنى اتاپ ءوتىلدى.

سونىمەن قاتار 11 پروۆينتسيا مەن 332 ەلدى مەكەندە كونتەينەرلىك قالاشىقتار قۇرىلدى.

ەسكە سالا كەتەيىك، 6 اقپاندا ەپيتسەنترى كاحرامانماراش پروۆينتسياسىنىڭ پازاردجيك اۋدانىندا ماگنيتۋداسى 7 بالدان اساتىن ەكى جەر سىلكىنىسى بولدى. جۇزدەگەن افتەرشوكقا ۇلاسقان جەراستى دۇمپۋلەرى ەلدىڭ 11 پروۆينتسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا دا سەزىلدى. ماماندار ايماقتا جەراستى دۇمپۋلەرى تاعى جارتى جىل بويى جالعاسادى دەپ وتىر. تۇركياداعى جويقىن جەر سىلكىنىسىنەن كەيىن ۇيىندىلەردى اشۋ جۇمىستارىنا 88 ەلدەن 11 مىڭ قۇتقارۋشى قاتىستى. ىزدەستىرۋ-قۇتقارۋ جۇمىستارىنا قازاقستاننان استانا مەن الماتى قالالارى، اقمولا جانە قاراعاندى وبلىستارىنىڭ قۇتقارۋشىلارى دا اتسالىستى.

Abai.kz