اقش مەملەكەتتىك حاتشىسى ەنتوني بلينكەن استاناعا بارعان ساپارى كەزىندە رەسەيگە تاۋەلدىلىگىن السىرەتۋ ءۇشىن ورتالىق ازيا ەلدەرىنە كومەك كورسەتىلەتىنىن جەتكىزدى.   

ورتالىق ازيا ەلدەرىمەن بىرلەسكەن س5+1 ديپلوماتيالىق سامميتىنە قاتىسقان اقش مەملەكەتتىك حاتشىسى ايماققا 25 ميلليون دوللار كومەك رەتىندە بەرىلەتىنىن ايتتى.

رەسەيدىڭ ۋكرايناعا اسكەري شابۋىلى تۇسىندا قۇراما شتاتتار ورتالىق ازيانىڭ "ەگەمەندىگى، تاۋەلسىزدىگى جانە اۋماقتىق تۇتاستىعى ماڭىزدى" ەكەنىن اتاپ ءوتتى.

قازاقستان پرەزيدەنتىنىڭ ءباسپاسوز قىزمەتىنىڭ حابارلاۋىنشا، مەملەكەت باسشىسى قاسىم-جومارت توقاەۆ بلينكەننىڭ ساپارىن ەكى ەل اراسىنداعى "ستراتەگەيالىق ىنتىماقتاستىققا قوسىمشا سەرپىن بەرەتىن ماڭىزدى كەزدەسۋ" دەپ اتاعان.

س5+1 ءسامميتى 2015 جىلدان بەرى بىرنەشە رەت وكىزىلدى. بۇل جيىنعا قازاقستان، قىرعىزستان، تاجىكستان، تۇركىمەنستان جانە وزبەكستان سىرتقى ىستەر مينيسترلەرى قاتىسادى.

استانادا وتكەن ءباسپاسوز ءماسليحاتى كەزىندە بلينكەن قىتاي ادرەسىنە رەسەيگە اسكەري كومەك كورسەتەتىن بولسا سالدارى اۋىر بولاتىنىن ايتىپ، تاعى ەسكەرتۋ جاسادى.

28 اقپاندا كەشتەتىپ اقش مەملەكەتتىك حاتشىسى وزبەكستانعا ۇشىپ كەتتى. ودان ءارى "G20" سامميتىنە قاتىسۋ ءۇشىن ۇندىستانعا بارادى.

Abai.kz