الداعى 2-3 ايدا ەلىمىزدە تاۋارلار ارزانداۋى مۇمكىن. بۇل تۋرالى قر پرەمەر-ءمينيسترىنىڭ ورىنباسارى – قارجى ءمينيسترى ەرۇلان جاماۋباەۆ ايتتى، دەپ حابارلادى Halyq Uni تىلشىسى.

Cەناتتىڭ جالپى وتىرىسىنان شىققان ۆيتسە-پرەمەرگە جۋرناليست «بىلتىر قازاقستاندا بارلىق ازىق-تۇلىك پەن تاۋار قىمباتتادى. ونىڭ سەبەبى دوللاردىڭ تەڭگەگە شاققانداعى باعامىنىڭ وسۋىمەن بايلانىستى بولدى. قازىر دوللار ارزانداپ جاتىر، ەلدەگى باعا تومەندەي مە؟» دەپ سۇراق قويدى.

ەرۇلان جاماۋباەۆ تاۋار باعاسىنىڭ تومەندەيتىنىن جوققا شىعارعان جوق.

تومەندەيدى دەپ ويلايمىن. نەگىزىنەن دوللار باعامى وسكەندە يمپورتتالاتىن تاۋارلاردىڭ باعاسى دا وسەدى. وسىعان بايلانىستى ءبىز يمپورتتالاتىن تاۋارلاردى باعاسى بىرتىندەپ تومەندەۋى بولادى دەپ ويلايمىز. جالپى ەكونوميكاداعى ينفلياتسيا كورسەتكىشى تومەندەيدى: بۇگىندە ول 20%-دان استى. 2-3 ايدان كەيىن كورسەتكىش تومەندەيدى دەگەن ويدامىز. قازىر ءبىز ناقتىلانعان بيۋدجەتتە ينفلياتسيا دەڭگەيىن 7,5 – 9,5% شەگىندە كورسەتتىك. سوندىقتان ءبىز وسى دەڭگەيگە نازار اۋدارامىز ءارى جالپى باعانىڭ تومەندەۋىن كۇتەمىز، - دەپ تۇيىندەدى ءسوزىن مينيستر.

Abai.kz