قازاقستاننىڭ 48 ملرد دوللارعا باعالانعان 25 كەن ورنى اۋكتسيونعا قويىلادى.

مينيستر مارات قاراباەۆتىڭ ايتۋىنشا، پروتسەسس تولىعىمەن تسيفرلاندىرىلعان. ادامنىڭ ارالاسۋىنسىز، ونلاين وتەدى. قازاقستاندىق نەمەسە شەتەلدىك كەز-كەلگەن ادام قاتىسىپ، ءوز باعاسىن ۇسىنا الادى.

مينيستر ساتىپ العان كاسىپكەرمەن 10-20 جىلعا كەلىسىمشارت جاسالاتىنىن ايتتى. كەيىن ءار جىلى ءوزىنىڭ جۇمىس باعدارلاماسىمەن مينيسترلىكپەن كەلىسىپ وتىرادى.

اۋكتسيون 26 مامىرعا جوسپارلانعان. مينيسترلىك اۋكتسيون ارقىلى قوسىمشا ينۆەستيتسيا تارتۋ ەلدىڭ تاۋ-كەن ونەركاسىبى ينفراقۇرىلىمىن جاقسارتۋعا ىقپال ەتەتىنىنە سەنىم ءبىلدىرىپ وتىر.

Abai.kz