الماتىداعى "سامال-2" ىقشاماۋدانىنىڭ تۇرعىندارى كەزەكتى تك قۇرىلىسىنا قارسى.

تۇرعىنداردىڭ سوزىنشە، بالالار الاڭى مەن ۋادە ەتىلگەن ساياباقتىڭ ورنىنا مۇندا 16-17 قاباتتى ءارى  3-4 عيماراتتان قۇرالاتىن جاڭا تك سالىنباق. جوبا الماتى قالاسىنىڭ قۇرىلىس كەڭەسىمەن ماقۇلدانعان، بىراق وعان قاتىستى قوعامدىق تىڭدالىمدار وتكىزىلمەگەن.

"تۇركيا مەن سيرياداعى قايعىلى وقيعادان كەيىن جەرگىلىكتى تۇرعىنداردى ونسىزدا سالىنعان تك-ءنىڭ جانىنان تاعى ءبىر كوپپاتەرلى تۇرعىن ءۇي كەشەنىنىڭ سالىنۋى الاڭداتادى. مەن ءۇشىن قاۋىپسىزدىك ماسەلەسى ەرەكشە ماڭىزدى، ويتكەنى بۇل ۋچاسكە تەكتونيكالىق جارىلىم بولعان جەردە ورنالاسقان. قۇرىلىس تىعىزدىعى جوعارى جانە تج جاعدايىندا ۇيلەرگە ءورت ءسوندىرۋ ماشينالارى مەن جەدەل جاردەم كۇيمەلەرى جەتە المايدى، جەر سىلكىنىسى بولعان جاعدايدا تۇرعىندار جينالاتىن الاڭ بولمايدى", - اسەت ماتاەۆ الەۋمەتتىك جەلىلەردەگى پاراقشاسىندا جازدى.

بۇگىنگى تاڭدا اتالعان شاعىن ۋچاسكەدە قۇرىلىس نورمالارى مەن ەرەجەلەرى بۇزىلعان. بۇرىن 22 قاباتتى كەشەن سالىندى، ونىڭ پايدا بولۋى كوممۋنيكاتسيا، سۋمەن قامتاماسىز ەتۋ، جىلىتۋ ماسەلەلەرىن تۋدىردى.

جەرگىلىكتى تۇرعىندار بيلىككە، قۇرىلىس كومپانيالارىنا نەمەسە توزىعى جەتكەن ۇيلەردىڭ تۇرعىندارىنا جاڭا تۇرعىن ءۇي بەرۋ تۋرالى رەنوۆاتسيا  باعدارلاماسىنا قارسى ەمەس. قالا تۇرعىندارى ۋچاسكەدە قۇرىلىس قالاي جۇرەتىنىن ءتۇسىندىرۋدى سۇرايدى جانە قاۋىپسىزدىك نورمالارىن بۇزباۋدى تالاپ ەتەدى. ەسكى جانە اپاتتى تۇرعىن ۇيلەردىڭ تۇرعىندارىن جاڭا ۇيگە كوشىرۋ كەرەك، بىراق رەنوۆاتسيا باعدارلاماسى قاۋىپسىزدىك نورمالارىنا زيان كەلتىرمەۋى قاجەت.

"قالا تۇرعىندارى قاۋىپسىزدىكتى، جايلىلىقتى، تۇرعىنداردىڭ قۇقىقتارىن قۇپتايدى. جەرگىلىكتى بيلىككە ايتارىم: قۇرىلىس نورمالارىن بۇزباڭىز جانە حالىقپەن ديالوگ قۇرىڭىز! "الماتى قالاسىنىڭ ەرەكشە مارتەبەسى تۋرالى" زاڭعا سايكەس اكىمدىك جەكە مەنشىك جەر ۋچاسكەلەرىن مەملەكەت مۇقتاجى ءۇشىن نارىقتىق قۇنى بويىنشا ساتىپ الۋعا قۇقىلى. تۇرعىن ءۇي كەشەنىنىڭ الەۋەتتى قۇرىلىسى قالانىڭ بارلىق تۇرعىندارىنىڭ مۇددەلەرىنە اسەر ەتەدى. سەبەبى ءال - فارابي جانە دوستىق داڭعىلدارىنىڭ،  ماگيسترالدىق كوشەلەرىنىڭ بويىندا كولىكتىك كوللاپس تۋعىزادى. جەلدىڭ وتۋىنە  كەدەرگى كەلتىرىپ، قالا ەكولوگياسىن ودان ءارى ناشارلاتادى", - دەدى  اسەت ماتاەۆ جازباسىندا.

ەستەرىڭىزگە سالا كەتەيىك، بۇعان دەيىن اسەت ماتاەۆ ءال-فارابي داڭعىلىنداعى اكادەمقالاشىق تۇرعىندارىمەن كەزدەستى. جەرگىلىكتى تۇرعىندارمەن مۇندا  تاعى ءبىر كوپقاباتتى تۇرعىن ءۇي قۇرىلىسىنىڭ قاۋپى تالقىلاندى.

اڭگىمە 20-313-010-067, 20-313-010-027 كاداسترلىق نومىرلەرى بار ۋچاسكەلەر تۋرالى. ونىڭ سوزىنشە، تۇرعىن ءۇي كەشەنىنىڭ قۇرىلىسىنا تىيىم سالۋ كەرەك، ويتكەنى بۇل ۋچاسكە تەكتونيكالىق جارىلىم بولعان جەردە ورنالاسقان (مۇندا تاۋ وزەنىنىڭ ارناسى بولعان). سونىمەن قاتار اۋداننىڭ الەۋمەتتىك نىساندارى تولىپ قالعان، كوممۋنالدىق جەلىلەر تۇرعىن ءۇي كەشەنىنىڭ كوپتىگىنە بايلانىستى تىرەلىپ قالعان.

Abai.kz