قىتاي كوممۋنيستىك پارتياسى ورتالىق كوميتەتى (قكپ وك) سي ءتسزينپيندى ءۇشىنشى مەرزىمگە قكپ وك باس حاتشىسى ەتىپ قايتا سايلادى، دەپ حابارلادى Halyq Uni تىلشىسى سينحۋا اگەنتتىگىنە سىلتەمە جاساپ.

سونىمەن بىرگە، ساياسي بيۋرونىڭ 7 ادامنان تۇراتىن جاڭا تۇراقتى كوميسسياسى دا بەكىتىلدى. ول الداعى 5 جىلدا كوممۋنيستىك پارتيانى باسقاراتىن بولادى. وعان 69 جاستاعى سي ءتسزينپيننىڭ وزىنەن باسقا، شانحاي پارتيا كوميتەتىنىڭ 63 جاستاعى باسشىسى لي تسيان، گۋاندۋن پروۆينتسياسى پارتيا كوميتەتىنىڭ 66 جاستاعى باسشىسى لي سي، قكپ وك حاتشىلىعىنىڭ 60 جاستاعى مەڭگەرۋشىسى دين سيۋەسيان، بەيجىڭ قالالىق كوميتەتىنىڭ 66 جاستاعى باسشىسى تساي تسي، 67 جاستاعى پارتيا يدەولوگى ۆان حۋنين جانە 65 جاستاعى ءتارتىپتى تەكسەرۋ بويىنشا ورتالىق كوميسسيانىڭ حاتشىسى چجاو لەدجي كىرەدى.

سي تسزينپين قكپ ورتالىق كوميتەتىنىڭ جاڭا قۇرامى اتىنان سەنىم بىلدىرگەنى ءۇشىن بارلىعىنا العىس ايتتى.

- ءبىز پارتيانىڭ سيپاتى مەن ماقساتىن ەستە ۇستاپ، ميسسيامىز بەن مىندەتتەرىمىزدى ەستە ساقتاۋىمىز كەرەك. ءوز مىندەتتەرىمىزدى ورىنداپ، ايانباي ەڭبەك ەتىپ، پارتيا مەن حالىقتىڭ سەنىمىن اقتاۋدى ەشقاشان توقتاتپاۋىمىز قاجەت، – دەدى قىتاي باسشىسى.

Abai.kz