«AMANAT» پارتياسىنان پارتيالىق ءتىزىم بويىنشا دەپۋتاتتىققا كانديداتتار شولپان جامانبالاەۆا مەن ەلەنا تيو قر ورتالىق مەملەكەتتىك مۇراجايىنىڭ ەڭبەك ۇجىمىمەن كەزدەسىپ، كوپشىلىككە بۇل جيىننىڭ ءمانى مەن مازمۇنىن ءتۇسىندىرىپ، ەلدىڭ كەلەشەگىن ايقىندايتىن ەلەۋلى شارادا بارشانى بەلسەندىلىك تانىتۋعا شاقىردى. پارتيانىڭ سايلاۋالدى باعدارلاماسىنداعى ۇلتتىق قۇندىلىقتاردى ۇلىقتاۋ مەن وتانسۇيگىشتىككە تاربيەلەۋ، مەملەكەتتىك ءتىلدى دامىتۋ مەن حالقىمىزدىڭ مادەنيەتى، سالت-ءداستۇرىن ناسيحاتتاۋ تۇرعىسىنداعى ۇستانىمدارىن جەتكىزدى.

«الماتى – ەلىمىزدىڭ مادەني قالاسى. مەگاپوليستە 160 مادەني وشاق پەن 161 ەسكەرتكىش بار. كوبى قالانىڭ تاريحي ورتالىعىندا شوعىرلانعان. شەتكى ايماقتاردا، قالاعا جاڭادان قوسىلعان اۋدانداردا تەاتر، مۋزەي، كىتاپحانا جوقتىڭ قاسى. وعان قوسا، نىسانداردىڭ كوبى جاڭعىرتۋدى جانە قايتا قالپىنا كەلتىرۋدى قاجەت ەتەدى.  مادەني مۇرانى ساقتاۋ، رۋحاني جانە مادەني دامۋ، دەمالۋ ءۇشىن قاجەتتى جاعدايلاردى جاساۋ ءۇشىن كەشەندى شارالار قاجەت»، – دەدى ش.جامانبالاەۆا.

قوعامنىڭ دامۋىنا مادەنيەت سالاسىنىڭ ىقپالى ۇلكەن ەكەنىن تىلگە تيەك ەتكەن ەلەنا تيو  پارتيا 2024 جىلى ينكليۋزيۆتى مادەنيەت ءۇيىنىڭ، 2025 جىلعا قاراي 11 مىڭ ورىندى كوپفۋنكتسيونالدى كونتسەرت-حولل قۇرىلىسىن جۇرگىزۋگە ىقپال ەتەتىنىن مالىمدەدى. سونداي-اق بيىل رايىمبەك باتىر مەموريالدىق كەشەنىنىڭ، 2025 جىلعا دەيىن «بورالداي ساق قورعاندارى» ارحەولوگيالىق ساياباعى بازاسىندا ساق مادەنيەت ورتالىعىنىڭ اشىلۋىنا قول جەتكىزىلمەك.

ۇمىتكەر ش.جامانبالاەۆا مەگاپوليستەگى جاڭا تۇرعىن ءۇي كەشەندەرىنىڭ ءبىرىنشى قاباتىنان جاڭا فورماتتاعى 20 كىتاپحانانىڭ اشىلۋىنا مۇرىندىق بولۋ جوسپاردا بارىن، ميكرومادەني باعدارلامانى دامىتۋ اياسىندا 12 اشىق جانە جابىق الاڭداردى قۇرۋعا ىقپال ەتەتىندىكتەرىن جەتكىزدى. سونىمەن قاتار، جىل سايىن 25 مىڭ كورەرمەندى قامتيتىن تۇراقتى حالىقارالىق ءىس-شارالار ۇيىمداستىرۋ جوسپاردا بار.

قالالىقتارعا قولايلى بولۋى ءۇشىن قىزمەتتەردى تسيفرلاندىرۋعا، ونىڭ ىشىندە قالالىق مۇراجايلارعا، ءىس-شارالارعا تەگىن بارۋ، قوعامدىق كولىكتى پايدالانۋ جانە ت.ب. ءۇشىن «وڭاي» تولەم كارتاسى نەگىزىندە مادەني «City pass» ازىرلەۋ كوزدەلگەن. بالالار عىلىمي-تەحنيكالىق مۋزەيى مەن ەسكى وبسەرۆاتوريا بازاسىندا «Observatorium» مۋزەيىن اشۋ جوسپاردا بار.

جيىن سوڭىندا ۇمىتكەرلەر پارتيا حالقىمىزدىڭ الەۋمەتتىك جاعدايىن، قۇقىعىنىڭ قورعالۋىن، ەل ەكونوميكاسىنىڭ وركەندەۋىن ماقسات ەتەتىن تىڭ باستامالاردىڭ جۇزەگە اسىرىلۋىنا ىقپال ەتىپ كەلە جاتقانىن ايتتى. ەلىمىزدىڭ جاندانۋىنا، ورىن العان ولقىلىقتاردى ەڭسەرۋگە، جاڭاشا دامۋعا جول اشارى ءسوزسىز ەكەنى ايتىلدى.

– الەم ءبىر ورىندا تۇرمايدى. ال دامۋ ۇستىندە نەشە ءتۇرلى سىن-قاتەرلەر بولۋى مۇمكىن. ەڭ باستىسى – سول سىنداردى ەڭسەرە بىلۋدە، ەڭسەرۋ جولىندا بىرىگە الۋىمىز كەرەك، – دەپۋتاتتىققا كانديداتتار.

* الماتى قالاسى ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى.

Abai.kz