قر توتەنشە جاعدايلار ءمينيسترى يۋري يلين باتىس قازاقستان وبلىسىنداعى جاعدايدى باياندادى.

«قازىرگى ۋاقىتتا باتىس قازاقستان جانە اقتوبە وبلىستارىندا كۇردەلى جاعداي قالىپتاسىپ وتىر. جالپى 51 ءۇيدى سۋ باستى. ونىڭ 45-ءى - باتىس قازاقستان وبلىسىندا بولسا، 6 – اقتوبە وبلىسى اۋماعىندا. 240 ادامنىڭ 20-دان استامى ۋاقىتشا ەۆاكۋاتسيا پۋنكتىنە ورنالاستى، قالعاندارى تۋىستارىنىڭ ۇيىنە كەتتى»، - دەدى يۋ. يلين ۇكىمەت وتىرىسىنان كەيىن تىلشىلەرگە بەرگەن سۇحباتىندا.

ءمينيستردىڭ ايتۋىنشا، مونيتورينگ جۇمىستارى جالعاسۋدا، جول جابىنىندا 26 سۋ تاسقىنى بايقالعان ەدى، ونىڭ 13-ءى توقتاتىلدى.

ايتا كەتەيىك، باتىس قازاقستان وبلىسىندا سۋ تاسقىنى جاعدايىنا اەروۆيزۋالدى بارلاۋ جۇرگىزىلدى جانە بىرنەشە اۋداندا توتەنشە جاعداي جاريالاندى.

Abai.kz