12 اقپاندا دەنيس كوزاك 40 كۇنگە قامالعان. 9 اقپاندا قازاقستان پوليتسياسى ونى رەسەيدىڭ سۇراۋىمەن الماتىدا ۇستاعان. اقپاراتقا قاراعاندا، وعان رەسەيدە "تەرروريزمدى اقتاۋ" بابى بويىنشا ايىپ تاعىلىپ، ىزدەۋ جاريالانعان.
Sota-نىڭ جازۋىنشا، ونى قازاقستان بيلىگى قىلمىستىق ءىس بويىنشا رەسەيگە دەپورتاتسيالاۋى مۇمكىن. دەگەنمەن رەسمي استانا ونىڭ بوسقىن مارتەبەسىن الۋ تۋرالى ءوتىنىشىن دە قاراپ جاتىر. قازاقستان قىلمىستىق كودەكسىندە "تەرروريزمدى اقتاۋ" بابى جوق، سول سەبەپتى ادەتتەگى ەكستراديتسيا پروتسەدۋراسىمەن ونى بيلىك رەسەيگە تاپسىرا المايدى.
كوزاك 2018 جىلى رەسەي فەدەراتسياسى قاۋىپسىزدىك قىزمەتىنىڭ ارحانگەلسكىدەگى عيماراتى الدىندا ءوزىن-ءوزى جارىپ جىبەرگەن ستۋدەنت ميحايل جلوبيتسكي تۋرالى الەۋمەتتىك جەلىدە پوست جازعان. وسىدان سوڭ ونىڭ ۇستىنەن "تەرروريزمدى اقتاۋ" بابى بويىنشا قىلمىستىق ءىس قوزعالىپ، ءتىنتۋ جۇرگىزىلگەن. كوزاكتىڭ ءوزى اقپارات قۇرالدارىنا "جازباسىندا جلوبيتسكيدىڭ ارەكەتىن اقتاماعانىن" ايتقان.
Abai.kz
