تاجىكستان پرەزيدەنتى ەمومالي راحمون 20 ناۋرىزدا جۇمىس بابىمەن نيۋ-يورككە كەتتى، دەپ حابارلادى مەملەكەت باسشىسىنىڭ ءباسپاسوز قىزمەتى. پرەزيدەنت بىرىككەن ۇلتتىر ۇيىمىنىڭ «سۋ – تۇراقتى دامۋ كەپىلى» حالىقارالىق فورۋمىنا قاتىسادى.

ەمومالي راحمونمەن بىرگە سىرتقى ىستەر ءمينيسترى، پرەزيدەنتتىڭ سىرتقى بايلانىستار جونىندەگى كومەكشىسى، ەنەرگەتيكا ءمينيسترى، توتەنشە جاعدايلار جانە قورشاعان ورتانى قورعاۋ جونىندەگى كوميتەت توراعاسى ەرىپ بارادى.

مەملەكەت باسشىسىنىڭ ءباسپاسوز قىزمەتىنىڭ حابارلاۋىنشا، راحموننىڭ اقش-تاعى ساپارى 24 ناۋرىزدا اياقتالادى. پرەزيدەنت جۇمىس ساپارى اياسىندا بۇۇ باس حاتشىسى انتونيۋ گۋتەرريشپەن جانە ۇيىمنىڭ باسقا دا باسشىلارىمەن كەزدەسەدى. پرەزيدەنت ساپارى باعدارلاماسىنىڭ تولىق نۇسقاسى جاريالانبادى.

تاجىكستان سۋ ماسەلەسىنە قاتىسى ۇسىنىستارىن بۇۇ-دا ءجيى كوتەرىپ جۇرگەن ەل. جەرگىلىكتى شەنەۋنىكتەر بۇۇ تاجىك بيلىگىنىڭ باستاماسىمەن سۋعا قاتىستى بىرنەشە قارار قابىلدادى دەپ ءجيى ماقتانادى. الايدا تاجىكستان تۇرعىندارىنىڭ دەنى ءالى كۇنگە دەيىن اۋىز سۋعا جارىماي وتىر.

Abai.kz