تالىپتەر ۇكىمەتى پرەمەر-ءمينيسترىنىڭ ورىنباسارى مىندەتىن اتقارۋشى موللا ابدۋل عاني بارادار اۋعانستان «وزبەكستان كەلىسىمىمەن» ءامۋداريا وزەنىندە كوشتەپا كانالىن سالۋعا دايىن دەپ مالىمدەدى.

ابدۋل عاني بارادار 22 ناۋرىزدا كابۋلدا وزبەكستان پرەزيدەنتىنىڭ سىرتقى ساياسات جونىندەگى ارنايى وكىلى ءابدۋلازىز كاميلوۆپەن كەزدەسكەن.

باراداردىڭ مالىمدەۋىنشە، كەلىسسوزدەر بارىىسندا وزبەك جاعى "كوشتەپا كانالى قۇرىلىسىنا كومەكتەسۋگە دايىن ەكەنىن بىلدىرگەن".

وزبەك دەلەگاتسياسى جۇزدەسۋ بارىسىندا كوشتەپا كانالىن سالعاندا ءامۋداريا وزەنىنەن سۋ الۋ ءۇشىن حالىقارالىق قۇقىق تالاپتارى ەسكەرىلۋى كەرەكتىگىن ەسكەرتكەن.

بۇنىڭ الدىندا ءابدۋلازىز كاميلوۆ باستاعان دەلەگاتسيا 22 ناۋرىزدا كابۋلدا ءتالىپ ۇكىمەتىنىڭ رەسمي وكىلدەرىمەن كەزدەسكەنى حابارلانعان. مالىمەتتەرگە قاراعاندا، اۋعانستان استاناسىنداعى كەلىسسوزدەردە سۋ جانە ەنەرگەتيكا ماسەلەلەرى تالقىلانعان.

وزبەكستان - 2021 جىلعى 15 تامىزدا كابۋلدى باسىپ العان تالىپتەر ۇكىمەتىمەن بايلانىس ورناتقان ساناۋلى ەلدەردىڭ ءبىرى.

«تاليبان» قوزعالىسى جاساقتاعان ۇكىمەتتى الەمدىك قاۋىمداستىق ءالى كۇنگە دەيىن مويىنداماي وتىر.

Abai.kz