«وڭتۇستىك كورەيادا قازاقستاندىقتاردى جۇمىستان شىعارىپ جاتقانى تۋرالى اقپارات جالعان». بۇل تۋرالى قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى.

الەۋمەتتىك جەلىدە «ەكى قازاقستاندىقتىڭ وڭتۇستىك كورەيا شەكاراسىن زاڭسىز كەسىپ ءوتۋ وقيعاسىنان كەيىن سونداعى وتانداستارىمىزدى جۇمىستان شىعارا باستادى» دەگەن اقپارات جاريالاندى.

«بۇل – جالعان اقپارات»، - دەپ جاۋاپ بەردى ايبەك سمادياروۆ قازاقپارات تىلشىسىنە.

سونداي-اق، ءسىم رەسمي وكىلى وڭتۇستىك كورەيا شەكاراسىن زاڭسىز كەسىپ وتكەن ەكى قازاقستاندىقتىڭ تاعدىرىنا قاتىستى جەرگىلىكتى پوليتسيادان حابار كۇتىپ وتىرعانىن جەتكىزدى.

ەسكە سالساق، وسىدان بىرەر كۇن بۇرىن ەكى وتانداسىمىز وڭتۇستىك كورەياعا كىرۋگە تىيىم سالىنعانىنا قاراماستان، اتالعان ەلگە كىرگەن. سىرتقى ىستەر مينيسترلىگى حابارلاعانداي، كوپ ۇزاماي ونىڭ بىرەۋى ۇستالىپ، ەكىنشىسىنە ىزدەۋ سالىندى.

ايتا كەتسەك، ەكى قازاقستاندىقتىڭ ارەكەتى وڭتۇستىك كورەيادا قوعامدىق رەزونانس تۋدىرىپ، جەرگىلىكتى باق-تا كەڭىنەن جاريالانعانى ايتىلدى. كەيىن بەلگىلى بولعانداي، ينچحون اۋەجايىنان قاشىپ كەتكەن ەكىنشى قازاقستاندىق پوليتسياعا وز ەركىمەن بەرىلدى.

Abai.kz