قازاقستان حالقى اسسامبلەياسى «نارودنىي سوۆەت گ.پەتروپاۆلوۆسك» دەپ اتالاتىن ۇيىمنىڭ اتىنان شىققان ءبىر توپ ادامداردىڭ ارانداتۋشىلىق مالىمدەمەسىن قاتاڭ تۇردە ايىپتايدى.

ءبىز, قازاقستان حالقى اسسامبلەياسىنىڭ وكىلدەرى, قازاقستان رەسپۋبليكاسىنىڭ اۋماقتىق تۇتاستىعىنىڭ مىزعىماستىعىن جانە وعان ىشكى جانە حالىقارالىق زاڭناماممەن كەپىلدىك بەرىلگەنىن مالىمدەيمىز.

بۇل ارەكەتتەردى مەملەكەتىمىزدىڭ كونستيتۋتسيالىق نەگىزدەرىنە، قاۋىپسىزدىگىنە، بىرلىگى مەن تۇراقتىلىعىنا قارسى باعىتتالعان ەل مۇددەسىنە جاسالعان وپاسىزدىق دەپ باعالايمىز.

ءبىز ءبىرتۇتاس حالىق رەتىندە قازاقستاندىق قوعامدا ەشكىمءنىڭ ارازدىق پەن سەنىمسىزدىك تاراتۋىنا جول بەرمەيمىز!

مۇنداي ارانداتۋشىلىقتار اسا جاۋاپسىزدىقتىڭ كورىنىسى جانە قۇزىرلى ورگاندار تاراپىنان قاتاڭ تۇردە تيىلۋ كەرەك. كىنالىلەر سوت تارتىبىمەن زاڭ اياسىندا جازالانۋى ءتيىس.

قازاقستان حالقى اسسامبلەياسى ازاماتتاردى مۇنداي ارەكەتتەرگە بوي الدىرماۋعا جانە مىزعىماس بىرلىگىمىز بەن قوعامدىق كەلىسىمىمىزدىڭ نەگىزى – حالقىمىزعا ءتان دانالىقتى، توزىمدىلىكتى، سەنىم مەن ءوزارا سىيلاستىقتى ساقتاۋعا شاقىرادى.

قازاقستان – ءبىزدىڭ ورتاق شاڭىراعىمىز جانە ءبىز قاي جەردە بولساق تا  سۇيىكتى وتانىمىزدىڭ وكىلدەرىمىز، ال حالىقارالىق قاۋىمداستىق ءبىزدى ءبىرتۇتاس ءارى قۋاتتى ۇلت رەتىندە تانيدى.

ءبىز ءارتۇرلىمىز، بىراق بىرلىگىمىز ارالۋاندىلىقتا. بۇل قاعيدادان ءبىز ەشقاشان اۋىتقىمايمىز.  

قازاقستان حالقى اسسامبلەياسى

Abai.kz