سىزدەر پرەزيدەنتتىڭ قۇقىعى تاپتالىپ جاتقانى تۋرالى اراشا ءتۇسىپ جازعان ارىزدى قارامايتىن سوتتى كورىپ پە ەدىڭىز؟!

كورمەسەڭىز، كورىڭىز! ونداي سوت ءبىزدىڭ قازاقستاندا بار ەكەن!

ەستەرىڭىزدە بولسا، ۇستىمىزدەگى جىلدىڭ 29 ناۋرىز كۇنى ءماجىلىستىڭ VIII شاقىلىم دەپۋتاتتارىنىڭ انتىن قابىلداۋ سالتىندا ورتالىق سايلاۋ كوميسسياسىنىڭ توراعاسى نۇرلان ءابدىروۆتىڭ قىزمەتىن اسىرا پايدالانىپ، قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ كونستيتۋتسيالىق زاڭدارمەن بەكىتىلگەن قۇقىعىن شەكتەگەن باسسىزدىعى ءۇشىن جانە ر. قوجاسباەۆ باستاعان ءبىر توپ دەپۋتاتتىڭ كونستيتۋتسيالىق زاڭدارمەن بەكىتىلگەن انتتىڭ ءماتىنىن بۇرمالاپ ايتقانىن كورە تۇرىپ تۇزەتۋگە ارەكەت ەتپەگەن ارەكەتسىزدىگى ءۇشىن، ن. ابدىروۆكە شارا كورۋ; سونداي-اق  «قازاقستان رەسپۋبليكاسىنىڭ پارلامەنتi جانە ونىڭ دەپۋتاتتارىنىڭ مارتەبەسi تۋرالى» كونستيتۋتسيالىق زاڭى مەن «قازاقستان رەسپۋبليكاسىنىڭ پرەزيدەنتi تۋرالى» كونستيتۋتسيالىق زاڭىنىڭ تالاپتارىنا ساقتاي  وتىرىپ، 29 ناۋرىزداعى وتكەن انت بەرۋ سالتىن زاڭسىز دەپ تانىپ، قايتا وتكىزۋ تۋرالى شەشىم شىعارۋ جونىندە جوعارعى سوتتىڭ توراعاسى ا.ا. مەرعاليەۆتىڭ اتىنا ارىز بەرگەن بولاتىنمىن (كوشىرمەسى قوسا تىركەلدى).

جوعارعى سوت 3 ءساۋىر كۇنى اتالعان ارىزىمنىڭ (№6001-23-12/3ج-فل-م-1855) تىركەلگەندىگىن حابارلادى.

ورىنداۋشى – كالمۋرزاەۆ ەركەبۋلان ناليبەكوۆيچ دەگەن جىگىت ەكەن.

ەڭ وكىنىشتىسى، جوعارعى سوت پرەزيدەنتتىڭ قۇقىعى تاپتالىپ جاتقانى تۋرالى جازىلعان سول ارىزدى دۇرىستاپ وقىماستان ورتالىق سايلاۋ كوميسسياسىنا جولداي سالعان.

جوعارعى سوت ماعان بەرگەن جاۋابىندا: «...ارىزدا كورسەتىلگەن سۇراقتاردى قاراۋ جوعارعى سوتتىڭ قۇزىرىنا كىرمەيتىنىن تۇسىندىرەمىز»، - دەپتى (كوشىرمەسى قوسا تىركەلدى).

ءوزىڭىز بىلەسىز، «قازاقستان رەسپۋبليكاسىنىڭ اكىمشىلىك راسىمدىك-پروتسەستىك كودەكسىنىڭ» 105 - بابىنىڭ 1 تارماعىندا «قازاقستان رەسپۋبليكاسىنىڭ جوعارعى سوتى ءبىرىنشى ساتىداعى سوتتىڭ قاعيدالارى بويىنشا قازاقستان رەسپۋبليكاسى ورتالىق سايلاۋ كوميسسياسىنىڭ شەشىمدەرى مەن ارەكەتتەرىنە (ارەكەتسىزدىگىنە), ورتالىق رەفەرەندۋم كوميسسياسىنىڭ شەشىمدەرى مەن ارەكەتتەرىنە (ارەكەتسىزدىگىنە) داۋ ايتۋ تۋرالى اكىمشىلىك ىستەردى قارايدى»، -دەپ جازۋلى تۇر.

دەمەك، ءبىزدىڭ جوعارعى سوت قازاقستان رەسپۋبليكاسىنىڭ اكىمشىلىك راسىمدىك-پروتسەستىك كودەكسىنىڭ بۇل نورماسىن ىلىككە الىپ تۇرعان جوق!

سوندا، جاي قاراپايىم ازامات ەمەس، پرەزيدەنتتىڭ قۇقىعى تاپتالىپ جاتقانى تۋرالى ارىزدى قارامايتىن بۇل قانداي جوعارعى سوت؟!

بىزدە سوت دەگەن بار ما ءوزى؟!

اۋىت مۇقيبەك،

«ەرەن ەڭبەگى ءۇشىن» مەدالىنىڭ جانە «قۇرمەت» وردەنىنىڭ يەگەرى.

Abai.kz