باۋىرجان بايبەك ءبىر كۇندىك ساپارمەن تالدىقورعاندا بولىپ قايتتى.  العاشىندا رەسپۋبليكالىق باق-نىڭ الماتى وبلىسىنداعى مەنشىكتى تىلشىلەرى تۇگەلىمەن شاقىرىلعان ەدى، تۋرا كەلەر الدىندا استانادان نۇسقاۋ ءتۇستى مە، سۇراق قويىپ، ماسەلە كوتەرەدى-اۋ دەگەن جۋرناليستەر تىزىمنەن سىزىلىپ قالىپ، ۇندەمەستەر مەن سىپىرا ماقتاۋعا توسەلگەندەر عانا باۋىرجان بايبەكپەن جولىعۋ «باقىتىنا» يە بولدى. سوعان قاراماستان،  جۇمىس ساپارىنىڭ قالاي بولتىندىعىن باقىلاپ وتىرعان جۇرتشىلىق ءبىراز كەلەڭسىزدىككە كۋا بولىپ، باستارىن شايقادى. تالدىقورعاندا كوشەلەر جابىلىپ، بۇرىش-بۇرىشتىڭ بارلىعى ءتارتىپ ساقشىلارىمەن كۇشەيتىلدى. ەلباسىنى الىپ جۇرەتىن كورتەجدەن كەم ەمەس، كىلەڭ ءبىر مىقتى ماشينالاردان قۇرالعان تەمىر تۇلپارلار كەرۋەنى الدان شىققانداردى باسىپ كەتە جازداپ، جۇيتكىدى دە ءجۇردى جانە تۇرعىنداردى رەتسىز ابىگەرگە سالدى.

باۋىرجان بايبەك ءبىر كۇندىك ساپارمەن تالدىقورعاندا بولىپ قايتتى.  العاشىندا رەسپۋبليكالىق باق-نىڭ الماتى وبلىسىنداعى مەنشىكتى تىلشىلەرى تۇگەلىمەن شاقىرىلعان ەدى، تۋرا كەلەر الدىندا استانادان نۇسقاۋ ءتۇستى مە، سۇراق قويىپ، ماسەلە كوتەرەدى-اۋ دەگەن جۋرناليستەر تىزىمنەن سىزىلىپ قالىپ، ۇندەمەستەر مەن سىپىرا ماقتاۋعا توسەلگەندەر عانا باۋىرجان بايبەكپەن جولىعۋ «باقىتىنا» يە بولدى. سوعان قاراماستان،  جۇمىس ساپارىنىڭ قالاي بولتىندىعىن باقىلاپ وتىرعان جۇرتشىلىق ءبىراز كەلەڭسىزدىككە كۋا بولىپ، باستارىن شايقادى. تالدىقورعاندا كوشەلەر جابىلىپ، بۇرىش-بۇرىشتىڭ بارلىعى ءتارتىپ ساقشىلارىمەن كۇشەيتىلدى. ەلباسىنى الىپ جۇرەتىن كورتەجدەن كەم ەمەس، كىلەڭ ءبىر مىقتى ماشينالاردان قۇرالعان تەمىر تۇلپارلار كەرۋەنى الدان شىققانداردى باسىپ كەتە جازداپ، جۇيتكىدى دە ءجۇردى جانە تۇرعىنداردى رەتسىز ابىگەرگە سالدى.

ساپار بويىنشا جوسپارلانعان باسقا نىسانداردى ايتپاعاندا، مەملەكەتتىڭ قارجىسىنا تۇرعىزىلعان «كۇنشۋاق» بالاباقشاسىنداعى بالدىرعاندارمەن جۇزدەسۋ دە  وزگەشە ورەسكەلدىگىمەن ەستە قالدى. بۇعان دەيىن بالدىرعاندار     وزدەرىنە كەلگەن قۇرمەتتى قوناقتاردى  مەلەكەتتىك تىلدە ءان شىرقاپ، تاقپاق وقىپ قارسى العانىنا كوزىمىز دە، قۇلاعىمىز دا ۇيرەنىپ قالعان ەكەن... اڭسار (وبلىس اكىمى مۇساحانوۆتى ايتامىز) كوكەلەرى مەن باۋىرجان اعالارىن اعىلشىن تىلىندە سويلەپ قارسى العان بالدىرعاندار، ولار كەتكەنشە اباي تىلىندە اۋىز اشپادى.  حان سارايىنان كەم ەمەس بالاباقشانىڭ قۇرىلىسىنا قانشا ميلليوننىڭ كەتكەنىندە، بالالاردىڭ وسىندا وتكەن ءار كۇنىنە قانشا تولەيتىندىگىندە ەشكىمنىڭ شارۋاسى بولعان جوق.

وسىلايشا، تاڭەرتەڭنەن كەشكە دەيىن تالدىقورعان ايماعىندا تايراڭداعان «نۇر وتان» حدپ توراعاسىنىڭ ءبىرىنشى ورىنباسارى ەلباسىنىڭ بۇعان دەيىنگى ايتىلعان ناقتى تاپسىرمالارى مەن ەسكەرتۋلەرىن ەستەن شىعاردى. اتاپ ايتقاندا، كورتەجبەن جۇرەتىن لاۋازىمدى تۇلعالاردىڭ شەكتەلگەن سانى مەن ولاردان باسقالاردىڭ مۇندايعا بارماۋى قاجەتتىگى، بالاباقشالار مەن مەكتەپتەر سالۋدا شەكتەن شىقپاۋ، سالتاناتتى سارايلار ەمەس، ءبىلىم بەرۋ مەن تاربيەلەۋگە قولايلى عيماراتتار تۇرعىزۋ كەرەكتىگى جونىندەگى، قازاقى ورتادا تەك انا تىلىندە سويلەۋدىڭ دۇرىستىعى تۋرالى ەسكەرتۋ-تاپسىرمالارى بۇل جولى مۇلدە ورىندالعان جوق.  باسقا، باسقا، بالدىرعاندارىمىزدى قازاق تىلىنەن جەرىندىرەتىندەي جاعدايدىڭ ورىن العانى ورىنسىز بولدى. الدە، بۇل جەرگىلىكتى جاعىمپازداردىڭ كەزەكتى جارامساقتىق  قادامى ما؟

Abai.kz