رەسەيدىڭ 200 مىڭ ادامدىق تۇراقتى ارمياسى 2022 جىلى اقپاننان قىركۇيەككە دەيىن جەتى ايدا ۋكراينا جەرىندە تولىقتاي جويىلدى. قىركۇيەكتىڭ 21-دە رەسەي امالسىز ءىشىنارا موبيليزاتسيا جاريالاپ، رەزەرۆتىك ارمياسىن سوعىسقا سالا باستادى. تۋرا 30-مامىرعا ياعني بۇگىنگى كۇنگە دەيىن موسكوۆيتتەر 207 440 سولداتى مەن وفيتسەرىنەن، 3802 تانكىسىنەن، 3445 ارتيللەريالىق جۇيەسىنەن، 313 ۇشاعىنان، 298 تىكۇشاعىنان ايىرىلدى.

ادەتتە سوعىس قيمىلدارى كەزىندە قازا تاپقان ءبىر ادامعا ءۇش جارالىدان كەلەدى. وسى تۇرعىدان ەسەپتەسەك، رەسەي تاراپىنىڭ 600 مىڭنان استام سولداتى مەن وفيتسەرى جارالى بولىپ قاتاردان شىققان. 100 مىڭعا تارتا ادام حابار-وشارسىز كەتكەن. قازا تاپقان ءار سولداتىنىڭ وتباسىنا 7 ملن رۋبلدەن تولەم تولەيتىن رەسەي ءۇشىن سولداتىنىڭ ولگەنىنەن گورى اقشا تولەنبەيتىن حابار-وشارسىز كەتكەنى الدەقايدا ءتيىمدى. سوندا 200 مىڭ ولگەنى، 600 مىڭ جارالىسى، 100 مىڭنان استام حابار-وشارسىز كەتكەن بار، ءبارىن قوسساق، رەسەيدىڭ ۋكراينامەن باسقىنشىلىق سوعىسىندا 900 مىڭنان استام ادامى شىعىن بولعان. اقش پرەزيدەنتى دجو بايدەننىڭ ايتۋىنا قاراعاندا رەسەي تەك باحمۋت ءۇشىن ۇزاققا سوزىلعان شايقاستاردا عانا 100 مىڭنان استام اسكەرىنەن ايىرىلعان. پۋتين رەجيمى ءوز حالقى ءۇشىن قيىندىقتان قيىندىق تۋعىزۋدا.

سوعىس رەسەيدىڭ ادام جانە تەحنيكالىق رەسۋرستارىن جەپ جاتىر. موبيليزاتسيا كەزىندە ادامدارىنىڭ شەت ەلدەرگە قاشقانى كوز الدىمىزدا. انشەيىندە رەسەي حالقى 142 ملن دەپ ماقتانعاندا كەيبىرەۋلەر جارىلىپ كەتە جازدايدى. ال ءىس جۇزىندە ودان الدەقايدا از سياقتى. ەگەر حالقى سونشالىقتى كوپ بولسا 300 -500 مىڭ اسكەر جيناپ الۋ ەش قيىنعا تۇسپەس ەدى. ال اسكەر جيناۋ وتە قيىنعا ءتۇسىپ جاتىر. اسكەرگە تۇرمەدەگىلەر، مەكتەپتىڭ جوعارى سىنىپ وقۋشىلارى، ايەلدەر تارتىلۋدا.

وسىدان ونشاقتى جىل بۇرىن رەسەيدىڭ فەدەرالدىق ستاتيستيكالىق كوميتەتى توراعاسىنىڭ ورىنباسارى بولعان ءبىر ايەل «رەسەيدىڭ حالقى 69 ملن» دەپ قىزمەتىنەن ۇشىپ كەتكەن. ودان كەيىن رەسەيدىڭ زاگس ۇيىمى ورتالىق اناليتيكالىق ورتالىعىنىڭ قىزمەتكەرى ەكاتەرينا ۋليتينا 2010 جىلى 1-ماۋسىمدا رەسەيدىڭ حالقى 89 ملن 654 مىڭ 325 ادام دەپ ناقتى دەرەك بەرگەنى بار. ساراپشىلار سول كەزدىڭ وزىندە-اق تاياۋ 10-15 جىلدا رەسەي حالقى 40 ملن-عا ازايادى دەگەن بولجام ايتقان. ويتكەنى جىل سايىن ەلدەگى ءولىم تۋىلىمنان ەكى ەسە جوعارى. بىراق رەسەي تاراپى مۇنداي دەموگرافيالىق ەسەپ-قيسابىن مۇقيات جاسىرىپ ۇستاۋعا تىرىسادى. ال ءبىزدىڭ ەسەبىمىزشە قازىر رەسەيدىڭ حالقى 70 ملن-نىڭ ار جاق، بەر جاعىندا عانا!

مارات ءبايدىلداۇلى،

جازۋشى-پۋبليتسيست

Abai.kz