ونىڭ سوزىنشە، قازاقستان ارقىلى وتەتىن گاز كولەمى جانە باعاسى بويىنشا وزبەكستان مەن "گازپروم" اراسىندا كەلىسسوزدەر ءجۇرىپ جاتىر.
"كەلىسسوزدەر اياقتالعاننان كەيىن ينفراقۇرىلىمىمىزدى بەرەمىز. ول كەلەسى جىلدىڭ كۇزىنە قاراي دايىن بولادى", - دەدى مينيستر.
وسىعان دەيىن ساتقاليەۆ قازاقستان اۋماعى ارقىلى وزبەكستانعا ورىس گازىن جەتكىزۋ بويىنشا كەلىسسوزدەر "كونسترۋكتيۆتى دەڭگەيدە ءجۇرىپ جاتقانىن" ايتقان.
وزبەكستاننىڭ ەنەرگەتيكا ءمينيسترى جۋرابەك ميرزاماحمۋدوۆ ورىس گازىن جەتكىزۋدىڭ كوممەرتسيالىق شارتتارى تەحنيكالىق ماسەلەلەر شەشىلگەننەن كەيىن تالقىلاناتىنىن ايتتى. ول گازدى "ورتالىق ازيا – ورتالىق" ماگيسترالدىق گاز قۇرۋ ارقىلى الىپ كەلۋدى جوسپارلاپ جاتقانىن جەتكىزگەن.
30 مامىردا جۋرابەك ميرزاماحمۋدوۆ بۇل ماسەلە بويىنشا كەلىسسوز جۇرگىزۋ ءۇشىن سانكت-پەتەربۋرگ قالاسىندا "گازپرومنىڭ" توراعاسى الەكسەي ميللەرمەن كەزدەسكەنىن حابارلاعان.
Abai.kz
