8-9 ماۋسىم ارالىعىندا ەلوردادا «استانا حالىقارالىق فورۋمى» وتەدى. ماڭىزدى جاھاندىق ماسەلەلەردى شەشۋگە جانە ەلارالىق ىنتىماقتاستىقتى ودان ءارى دامىتۋعا باعىتتالعان اۋقىمدى ءىس-شاراعا الەمنىڭ تۇكپىر-تۇكپىرىنەن جينالعان 1000-نان استام ۇزدىك ساراپشىلار باس قوسادى.

ولاردىڭ اراسىندا مادەني جانە كرەاتيۆتى يندۋستريالاردى دامىتۋ سالاسىنداعى حالىقارالىق ساراپشىلار دا بار دەپ حابارلايدى، «حابار-24».

سولاردىڭ ءبىرى – بريتانيالىق مامان دەۆيد پەرريش. ول – وقىتۋ سەمينارلارى مەن مازمۇندى ەڭبەكتەرى ارقىلى كوپكە تانىلعان بيزنەس كەڭەسشى. الەمنىڭ 60-تان استام ەلىندە جۇمىس ىستەگەن. القالى جيىندا پەرريش تابىسقا جەتۋ ءۇشىن شىعارماشىلىق پەن بيزنەستى ۇشتاستىرۋدىڭ ۇتىمدى جولدارىن ايتىپ، قۇپياسىن بولىسپەك.

«فورۋم كوشباسشىلار مەن ساراپشىلاردىڭ باسىن قوسادى. كەيبىر كوكەيتەستى الەمدىك پروبلەمالاردى شەشۋدىڭ پراكتيكالىق جولدارىن ۇسىنادى. جيىندا مەن جاھاندىق كرەاتيۆتى ەكونوميكادا شىعارماشىلىقتىڭ ماڭىزدىلىعى جانە جاڭادان پايدا بولىپ جاتقان ترەندتەر مەن سىن-تەگەۋرىندەر تۋرالى ءسوز قوزعايمىن. ودان بولەك، ۇكىمەت مەن مەملەكەتتىك ۇيىمدار شىعارماشىلىق كاسىپكەرلەردى قالاي قولداي الاتىنىن جانە حالىقارالىق بايلانىستاردى قالاي كەڭەيتۋگە بولاتىنىن ايتامىن»،-دەدى ساراپشى.

Abai.kz