استانادا كاسىپكەر قايرات بورانباەۆتىڭ اپەللياتسيالىق شاعىمى بويىنشا سوت پروتسەسى باستالدى، دەپ حابارلايدى Halyq Uni.

قىلمىستىق كودەكستىڭ 28-بابى 5-بولىگى جانە 189-بابى 4-بولىگى، 218-بابىنىڭ 3-بولىگى بويىنشا كىنالى دەپ تانىپ، 8 جىلعا باس بوستاندىعىنان ايىرىلعان قايرات بورانباەۆ پەن رومان ناحانوۆ، 189-بابى 4-بولىگى بويىنشا كىنالى دەپ تانىلعان تايىر جانۇزاق سوت ۇكىمىنە شاعىم تۇسىرگەن.

6 ماۋسىمدا وتكەن اپەللياتسيالىق سوتتا بورانباەۆتىڭ ادۆوكاتى دانيار قانافين سوتتالعانداردىڭ تەرگەۋ يزولياتورىندا اۋديو جانە ۆيدەوجازبامەن تانىسىپ جاتقانىن ايتتى.

قازىر قورعالۋشىلار تەرگەۋ يزولياتورىندا پروتسەستىڭ اۋديو جانە ۆيدەوجازبالارىمەن تانىسىپ جاتىر. بۇل ايرىقشا جاعدايدا قارالىپ جاتىر. سوندىقتان مۇنى تولىق كولەمدە قاراۋعا مۇمكىندىك جوق. ولاردى ارنايى بولمەگە شىعارادى. بۇل پروتسەسس ءبىراز ۋاقىتقا سوزىلدى. سوت پروتسەسى جازبالارىە قاراۋ بارىسىندا ولار ءوز ادۆوكاتتارىمەن ۇستانىمىن كەلىسىپ، قورعاۋ تاراپى بەرگەن اپەللياتسيالىق شاعىمعا تولىقتىرۋلار مەن وزگەرىستەر ەنگىزۋگە نيەت ءبىلدىرۋى مۇمكىن، - دەدى ادۆوكات قانافين.

سونداي-اق ول سوت پروتسەسىنىڭ اۋديو جانە ۆيدەو جازبالارىن قاراپ بولعانشا ءۇزىلىس جاريالاۋدى سۇرادى.

سودان كەيىن ءىستى قاراپ جاتقان سۋديا مۇنىڭ تەك بورانباەۆتىڭ مۇددەسى مە دەپ ناقتىلادى. ادۆوكات بۇل رومان ناحانوۆقا دا قاتىستى ەكەنىن جەتكىزدى.

وسىلايشا ءۇزىلىس جاريالانىپ، اپەللياتسيالىق سوت 22 ماۋسىمدا جالعاساتىن بولدى.

ايتا كەتەيىك، سوت القاسى قۇرامىندا استانانىڭ قىلمىستىق ىستەر جونىندەگى سۋدياسى ايسۇلۋ سلامبەكوۆا، الما ەسىموۆا جانە قازيما ايتقاليەۆا بار.

Abai.kz