قاشاعان مۇناي كەن ورنىنىڭ وپەراتورى North Caspian Operating Company (NCOC) ەكولوگيا جانە تابيعي رەسۋرستار مينيسترلىگىنىڭ كۇكىرت شىعارىندىلارىن شەكتەن تىس اسىرعانى تۋرالى شەشىمىمەن كەلىسپەگەن. 

«ءبىز وتكەن جىلى تەكسەرۋ جۇرگىزدىك، بۇل جوسپارلى تەكسەرۋ بولعان ەدى. تەكسەرۋ بارىسىندا ءبىز بىرقاتار بۇزۋشىلىقتاردى انىقتادىق. قورىتىندىلاي كەلە، ءبارىن راسىمدەدىك، كومپانيا ءبىز تىركەگەن ساتتەرمەن كەلىسپەدى. كومپانيا زاڭ تالاپتارىنا سايكەس جوعارى تۇرعان ورگانعا، مينيسترلىككە شاعىمداندى. ءبىز سوندا دا دەپارتامەنتتى قولدادىق، ويتكەنى ءبىزدىڭ ويىمىزشا، زاڭناما بۇزۋشىلىعى ورىن العان. كومپانيا ءۇشىن كەلەسى قادام – ۋاكىلەتتى ورگاننىڭ شەشىمىنە سوتقا شاعىمدانۋ. سوندىقتان ءبىز حالىقارالىق سوتتا ەمەس، استانانىڭ مامانداندىرىلعان سوتىندا تۇرمىز. قازىر تىڭداۋلار ءجۇرىپ جاتىر»، - دەدى ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا «استانا حالىقارالىق فورۋمىنىڭ» كۋلۋارىندا.

ز. سۇلەيمەنوۆا مينيسترلىك نازارىن اۋدارعان ەڭ ۇلكەن ماسەلەلەردىڭ ءبىرى – كۇكىرتتى شامادان تىس شىعارۋ ەكەنىن اتاپ ءوتتى. قاشاعان وپەراتورى مۇنىمەن كەلىسپەۋدە.

«جالپى، NCOC بويىنشا قاتەلەسپەسەم، 10 تارماق بويىنشا تەڭىزدە، قۇرلىقتا بەلگىلى ءبىر بۇزۋشىلىقتار بار»، - دەپ تولىقتىردى ەكولوگيا ءمينيسترى.

Abai.kz