«قازاقتۋريزم» كومپانياسى بيىل ەلىمىزگە 1,4 ملن تۋريست كەلۋى مۇمكىن ەكەنىن حابارلادى.

قازىر ىشكى تۋريستەر سانى 8,6 ملن ادامعا جەتتى. كومپانيانىڭ مالىمەتىنشە، بىلتىر ىشكى تۋريستەر سانى 2021 جىلمەن سالىستىرعاندا 1,7 ملن ادامعا ارتىپ، 8,6 ملن ادامعا جەتكەن. بۇل – پاندەمياعا دەيىنگى دەڭگەيدەن 2 ملن ادامعا ارتىق (2019 جىلى 6,7 ملن ادام).

كومپانيانىڭ حابارلاۋىنشا، قوناقۇيلەر، موتەلدەر، كەمپينگتەر، تۋريستىك بازالار، دەمالىس ۇيلەرى، پانسيوناتتار مەن باسقا دا دەمالىس ورىندارى 182,9 ملرد تەڭگەگە قىزمەت كورسەتتى. بۇل تيىسىنشە 2021 جانە 2019 جىلدارعا قاراعاندا 70 ملرد جانە 60 ملرد تەڭگەگە ارتىق.

2022 جىلى 284 جاڭا ورنالاستىرۋ ورنى پايدا بولدى. ال ولاردىڭ ەل بويىنشا جالپى سانى 4 مىڭعا جۋىق. بىرجولعى سىيىمدىلىعى 203 مىڭنان اسا توسەك-ورىن بار. ول 10 مىڭعا كوبەيدى.

ۆيزاسىز رەجيمنىڭ جاڭا ەلدەر ەنگىزىلگەنىنە، جاڭا حالىقارالىق رەيستەر، ەلدى ىلگەرىلەتۋ جونىندەگى ءىس-شارالاردىڭ ىسكە قوسىلۋىنا بايلانىستى شەتەلدىك تۋريستەر سانى 2021 جىلمەن سالىستىرعاندا ءۇش ەسەگە ارتقان. كومپانيانىڭ مالىمەتىنشە، 2021 جىلى شەتەلدىك تۋريستەر سانى 329,8 مىڭ ادام بولعان.

ال جاقىندا ەلىمىزگە ورتالىق ازياداعى ساۋدا بويىنشا USAID باعدارلاماسى اياسىندا Kazakh Tourism قولداۋىمەن 14 جۋرناليست پەن بلوگەرلەردەن تۇراتىن Society of American Travel Writers (SATW) دەلەگاتسياسى كەلدى.
SATW - ەڭ تاجىريبەلى جۋرناليستەر، فوتوگرافتار، رەداكتورلار، بلوگەرلەردەن، بەينە مەن فيلم، حابار تاراتۋ پروديۋسەرلەرى، ۆەب-سايت يەلەرى، قوعاممەن بايلانىس ماماندارىنان تۇراتىن اقش، كانادا جانە باسقا ەلدەردىڭ قوناقجايلىلىق يندۋسترياسى تۋرالى حابار تاراتاتىن كاسىبي ۇيىم. بۇل ۇيىم 1955 جىلى قۇرىلعان. ونىڭ 1000-نان استام مۇشە وكىلدەرى بار.

باعدارلاما بويىنشا دەلەگاتسيا ءار ءتۇرلى توپتاردىڭ قۇرامىندا شىمبۇلاق، وي-قاراعاي، ايۋساي، شارىن شاتقالى، التىن ەمەل، كولساي، قايىڭدى كولدەرى جانە باسقالارىن قوسا العاندا، الماتى مەن ونىڭ ماڭايىنداعى كورنەكتى تۋريستىك نىسانداردى ارالادى.

Abai.kz