قاماۋداعى جۋرناليست دۋمان مۇحاممەدكارىمگە جاڭا ايىپ تاعىلدى. بۇل تۋرالى ازاتتىق جازدى.

بۇل تۋرالى 9 ماۋسىمدا ازاتتىققا ءجۋرناليستىڭ ادۆوكاتى عالىم نۇرپەيىسوۆ حابارلادى. ايتۋىنشا، دۋمان مۇحامەدكارىمگە "تەرروريستiك نەمەسە ەكسترەميستiك ارەكەتتى قارجىلاندىرۋ جانە تەرروريزمگە نە ەكسترەميزمگە وزگە دە دەم بەرۋشىلىك" (قىلمىستىق كودەكستىڭ 258-بابى) بابى بويىنشا ايىپ تاعىلعان.

"بىزدە جاڭا عانا 258-باپ بويىنشا قوزعالعان ءىس اياسىندا جاۋاپ الىندى. دۋمان قورعانۋعا قۇقىعى بار كۋا رەتىندە سۇراقتارعا جاۋاپ بەردى. ءىس ابليازوۆپەن بولعان سۇحباتقا قاتىستى. وزگە اقپارات ايتا المايمىن", - دەدى ادۆوكات عالىم نۇرپەيىسوۆ.

دۋمان مۇحاممەدكارىم 28 مامىردا "بەيبىت جيىن وتكىزۋ ءتارتىبىن بۇزدى" دەگەن ايىپپەن 25 تاۋلىككە قامالعان. يزولياتوردا سوت شەشىمىنە قارسىلىق ءبىلدىرىپ، اشتىق جاريالاعان. "

10 كۇننەن بەرى تەك سۋ ءىشىپ جاتىر. بۇگىن جاۋاپ الۋعا كەلگەندە ەكىنشى قاباتقا ارەڭ كوتەرىلدى. وتە ءالسىز. ارىقتاپ كەتكەن. كۇشى جوق" ، - دەدى ادۆوكات.

*سۋرەت ازاتتىقتان الىندى.

Abai.kz